قازاقستاندىق ەنشٸ, «گولوس. دەتي» بايقاۋىنىڭ التىنشى كەزەڭٸنٸڭ جەڭٸمپازى ەرجان ماكسيم ٶزگە قاتىسۋشىلارمەن قارىم-قاتىناسى جٶنٸندە ايتىپ بەردٸ, دەپ حابارلايدى قازاقپارات تٸلشٸسٸ.
«كاستينگكە كەلگەن سەتتەن فينالعا دەيٸن بەرٸمٸز دوس بولىپ كەلدٸك, بٸرگە وينادىق, بٸرگە دايىندالدىق. بٸرگە ەن ايتتىق, قازٸر دە دوس بولىپ قالدىق. جالپى «گولوس. دەتي» بايقاۋى قاتتى ۇنادى. اراسىندا قيىنشىلىقتان دا ٶتٸپ تۇرۋ كەرەك», - دەدٸ ەرجان ماكيسم ەلوردادا بالالار ٷيٸندە ٶتكەن كەزدەسۋدە.
سونىمەن بٸرگە, جاس ەنشٸنٸڭ اناسى گٷلميرا ەلٸبەك ەرجان تٷسكەن اتىشۋلى جارنامانى تٷسٸندٸرٸپ بەردٸ.
«ٶتكەندە قۇرىلىس كومپانيياسىنىڭ جارناماسىنا تٷستٸك. ستسەناريي بويىنشا, ەرجان بٸرٸنشٸ قاباتتاعى قىزعا عاشىق بولىپ, سول قاباتتان پەتەر سۇرايدى. بٸراق, ونداعى پەتەرلەر ساتىلىپ كەتكەن. وسىنىڭ بەرٸن ادامدار بٸرٸنشٸ ارناعا بۇرمالاپ, رەپوست جاساپ كەتتٸ. جارنامانىڭ بٸرٸنشٸ ارناعا ەش قاتىسى جوق. بٸزدٸڭ ارنانى ەجۋالايتىن ويىمىز دا بولمادى. ەشكٸمدٸ كٸنەلامايمىز, ەشكٸمگە ايىپ جوق. بەرٸ جاقسى», - دەدٸ گ. ەلٸبەك.
ەنشٸنٸڭ اناسى ەرجان مەن ميكەللا ابراموۆانىڭ «جاڭا تولقىن» بالالار بايقاۋىنىڭ اشىلۋىندا ەن شىرقاعانىن اتاپ ٶتتٸ.
«ەرجان مەن ميكەللانى قارسىلاس, بٸرٸنٸڭ ورنىن بٸرٸ تارتىپ الدى دەگەن قاۋەسەت بار. مۇنداي ەڭگٸمەنٸڭ بالالارعا قاتىسى بولماۋى كەرەك. بالالار شىعارماشىلىق ٶمٸردە بٸرگە, تاتۋ-تەتتٸ دوس. بالالاردىڭ ەش كٸنەسٸ جوق. ولار تەك قانا ٶز ارمان-ماقساتتارىنا ۇمتىلا بەرۋٸ كەرەك. «جاڭا تولقىنداعى» دۋەتتٸ كٶرەرمەن ٶتە جاقسى قابىلدادى, ەن ايتىپ بولان سوڭ 5 مينۋت بويى «مولودتسى!» دەپ قوشەمەتتەدٸ. سوندا ٶزٸمٸزدٸ باقىتتى سەزٸندٸك», - دەدٸ ەرجاننىڭ اناسى.
ولاردىڭ ايتۋىنشا, 28 ماۋسىمدا ەلوردادا ٶتەتٸن ەرجاننىڭ جەكە كونتسەرتٸنە ميكەللا ابراموۆانىڭ قاتىسۋى بويىنشا كەلٸسسٶزدەر جٷرٸپ جاتىر. ودان بٶلەك, سەكەن مايعازيەۆ, ۇلىقپان جولداسوۆ, رەنات عايسين, مٶلدٸر ەۋەلبەكوۆا, ايقىن تٶلەپبەرگەن سىندى بەلگٸلٸ ەنشٸلەر كەش قوناقتارى بولماق.
بۇعان دەيٸن ەرجان ماكسيم رەسەيدٸڭ بٸرٸنشٸ ارناسىنىڭ «گولوس. دەتي» كونكۋرسىنىڭ جەڭٸمپازى اتانعان ەدٸ.
