بەلگٸلٸ قازاقستاندىق ەنشٸ, «گولوس. دەتي» بايقاۋىنىڭ التىنشى كەزەڭٸنٸڭ جەڭٸمپازى ەرجان ماكسيم ەلوردادا بالالار ٷيلەرٸنە بارىپ, ٶز كونتسەرتٸنە تەگٸن بيلەت تاراتتى, دەپ حابارلايدى قازاقپارات تٸلشٸسٸ.
استانالىق بالالار ٷيٸندە 66 بالا, SOS-بالالار اۋىلىندا - 50 بالا تەربيەلەنٸپ جاتىر.
«مەن سٸزدەردٸ ٶز كونتسەرتٸمە شاقىرۋ ٷشٸن ارنايى كەلدٸم. سىيلىققا بالمۇزداق ەكەلدٸم. بارشاڭىزدى العاشقى كونتسەرتٸمە شاقىرامىن», - دەدٸ ەنشٸ.
ەنشٸ «گولوس. دەتي» بايقاۋىنا قالاي قاتىسقانىن, ۆ. مەلادزەمەن قالاي جۇمىس ٸستەگەنٸن, بوس ۋاقىتىندا نەمەن اينالىساتىنىن ايتىپ بەردٸ.
بالالار ەنشٸگە ٶز سۇراقتارىن قويىپ, ەستەلٸككە فوتوسۋرەتكە تٷستٸ.
ايتا كەتەيٸك, ەرجان ماكسيم ەلوردادا ٶزٸنٸڭ العاشقى جەكە كونتسەرتٸن بەرەدٸ. كونتسەرت 28 ماۋسىم كٷنٸ «قازاقستان» ورتالىق كونتسەرت زالىندا ٶتەدٸ. سەكەن مايعازيەۆ, ۇلىقپان جولداسوۆ, رەنات عايسين, مٶلدٸر ەۋەلبەكوۆا, ايقىن تٶلەپبەرگەن سىندى بەلگٸلٸ ەنشٸلەر كەش قوناقتارى بولماق.
بۇعان دەيٸن ەرجان ماكسيم رەسەيدٸڭ بٸرٸنشٸ ارناسىنىڭ «گولوس. دەتي» كونكۋرسىنىڭ جەڭٸمپازى اتانعان ەدٸ.
