قازاقستاننىڭ باس پروكۋراتۋراسىنىڭ ٶتٸنٸشٸمەن بيزنەسمەن جومارت ەرتاەۆقا رەسەيدە تۇرۋعا بەرٸلگەن قۇقىقتىڭ كٷشٸ جويىلدى, - دەپ حابارلايدى "ۇلت اقپارات" باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
باس پروكۋراتۋرا ٶكٸلدەرٸ "ربك بانك" اق ديرەكتورلار كەڭەسٸ تٶراعاسىنىڭ ەكس-كەڭەسشٸسٸن رەسەي فەدەراتسيياسىنان ەكستراديتسييالاۋعا قاتىستى شارالاردى قولدانىپ جاتىر.
ەسكە سالا كەتەيٸك, بيزنەسمەن بانكتٸڭ 160 ميلليون دوللار قاراجاتىن جىمقىردى دەگەن كٷدٸككە ٸلٸنٸپ, ٸزدەستٸرٸلۋدە.
"قازاقستان رەسپۋبليكاسى باس پروكۋراتۋراسىنىڭ حاتى بويىنشا 2018 جىلدىڭ 14 ماۋسىمىندا مەسكەۋ سوتى ٷي قاماۋى تٷرٸندەگٸ بۇلتارتپاۋ شاراسىن 8 قاراشاعا دەيٸن ۇزارتتى. سونىمەن قاتار, بٸزدٸڭ ٶتٸنٸشحاتىمىز بويىنشا رەسەيدٸڭ ٸٸم-نٸڭ مەسكەۋ قالاسى بويىنشا باس باسقارماسىنىڭ 2018 جىلعى 6 ماۋسىمداعى شەشٸمٸمەن ەرتاەۆقا 2017 جىلعى قاراشا ايىندا رەسەي فەدەراتسيياسىندا تۇرۋعا بەرٸلگەن قۇقىعىنىڭ كٷشٸ جويىلدى", - دەلٸنگەن حابارلامادا.
سونداي-اق, ۆەدومستۆو ٶكٸلدەرٸ رەسەيلٸك ەرٸپتەستەرمەن ٶزارا ٸس-قيمىل جاساسىپ, ەرتاەۆتى قازاقستانعا ەكستراديتسييالاۋ بويىنشا جۇمىستى جالعاستىرىپ وتىر.
ەسكە سالايىق, جومارت ەرتاەۆ 2018 جىلى 16 ماۋسىمدا 40 تەۋلٸككە ٷي قاماۋىنا الىنعان بولاتىن.
قازاقستان ٸٸم ينتەرپولى ۇلتتىق ورتالىق بيۋروسىنىڭ سۇرانىسى بويىنشا اسا ٸرٸ كٶلەمدە الاياقتىق جاسادى دەگەن ايىپپەن حالىقارالىق ٸزدەۋدە بولعان قر ازاماتى ەرتاەۆ جومارتتىڭ ۇستالعانى ايتىلادى.
"ول "Bank RBK" اق ديرەكتورلار كەڭەسٸنٸڭ تٶراعاسىنىڭ كەڭەسشٸسٸ بولا وتىرىپ, كەلٸسٸلگەن جشس-لارعا 80 ميلليون دوللار كٶلەمٸندە بانكتٸك قارىز بەرۋدٸ لوببيلەگەن, سونداي-اق, العان قاراجاتتاردى الداعى ۋاقىتتا قايتارماۋ ماقساتىندا ەرەكەت ەتكەن", - دەپ حابارلاعان ەدٸ مينيسترلٸك ٶكٸلدەرٸ.
