بەلگٸلٸ كينورەجيسسەر ەرمەك تۇرسىنوۆ وتاندىق كينوٶنٸمدەردٸ سىنعا الدى. بۇل تۋرالى ول ٶزٸنٸڭ Facebook پاراقشاسىندا جازدى.
ەرمەك تۇرسىنوۆ ٶز جازباسىندا بٷگٸنگٸ وتاندىق كينوتۋىندىلاردىڭ جاي-كٷيٸنە توقتالدى.
«بارلىق شوۋ-بيزنەس ٶكٸلدەرٸ كينو ەلەمٸنە كەلٸپ جاتىر. كەشەگٸ كۆن ويىنشىلارى مەن باسقا دا مەديا جۇلدىزدار بٷگٸندە جىل سايىن كينو تٷسٸرٸپ, جارىسا تۇساۋكەسەر جاسايتىن بولعان. بٸر تۋىندىنىڭ ٸزٸن سۋىتپاي, ارتىنشا جاڭا فيلمنٸڭ افيشاسى شىعىپ جاتادى. وتاندىق تەلەٶنٸمنٸڭ سانى ارتقانى ەرينە, جاقسى. الايدا كينو ەلەمٸ ويىن الاڭى ەمەس. «ٶكٸنٸش», «سيسيتاي», «توي ليۋبوي تسەنوي», «جەنا نە ستەنا», «برات يلي براك», «ۇلى دالا كومەديياسى», «گلامۋر دليا دۋر» سەكٸلدٸ كٶپتەگەن فيلمدەردٸ ناعىز فيلم دەۋگە كەلمەيدٸ», دەلٸنگەن جازبادا.
سونداي-اق ول ەدەبيەت سالاسىنداعى ولقىلىقتاردى دا اتاپ ٶتتٸ.
«مەديا جۇلدىزدار كينو تٷسٸرۋمەن عانا ەمەس, كٸتاپ جازۋمەن دە اينالىساتىن بولعان. مىسالى الماتىدا ٶتكەن كٸتاپ فەستيۆالٸندە ەدەبيەت سالاسىنداعى باس سىيلىقتى بايان الاگٶزوۆا الدى. بايان ەگەر جازۋشىعا اينالسا, مەن وندا ٶزٸمدٸ ارحيەپيسكوپ دەر ەدٸم. قوعام ٸشٸندە مۇنداي قۇبىلىس ورناتقاندار كٶپ. قايرات نۇرتاس, بٷركٸت, نۇرتاس ادامباي, تٶرەعالي تٶرەەلٸ, سيۆي ماحمۋدي سەكٸلدٸ بٸر توپ جۇلدىزدار شىعارماشىلىق ەلەمدٸ بيزنەس, ساۋدا ورتالىعىنا اينالدىردى», دەدٸ ول.
سونىمەن قاتار ول فيلمدٸ كاسسادان قىرۋار قارجى جيناۋ ٷشٸن ەمەس, قوعامعا وي سالۋ ٷشٸن تٷسٸرۋ قاجەت ەكەنٸن ايتادى.
«كينو ەلەمٸنەن ماركەتينگتٸ كٶرۋدٸڭ قاجەتٸ جوق. ول ٶزٸنشە بٶلەك شىعارماشىلىق پەن بيٸك مەدەنيەتتٸڭ بەلگٸسٸ. سوندىقتان دا شىنايى دٷنيەنٸ ەدەمٸ ەتٸپ كٶرسەتۋ كەرەك. بٸزدٸڭ ناعىز قاھارماندار كٶپ جاعدايدا كادر سىرتىندا قالىپ قويادى. مىسالى قانشاما ادامنىڭ ٶمٸرٸنە اراشا بولعان كارديوحيرۋرگ يۋريي پيا, 2016 جىلى اپاتتى جاعدايدا 116 جولاۋشىسى بار ۇشاقتى سەتتٸ قوندىرعان دميتريي رودين سەكٸلدٸ ارامىزداعى تالانتتى جاندار جايىندا فيلم تٷسٸرٸلسە, كٶرەرمەنٸ كٶپ بولار ەدٸ. تەلەارنالاردان ەشكٸمگە قاجەتٸ جوق جۇلدىزداردىڭ ٶمٸرٸن ٷلگٸ ەتۋدٸ دوعارۋ قاجەت», دەلٸنگەن جازبادا.
