قر پارلامەنتٸ مەجٸلٸسٸنٸڭ دەپۋتاتى ەرلان سايروۆ ۇلتتىق قوعامدىق سەنٸم كەڭەسٸنٸڭ VI وتىرىسىندا ايتىلعان شەكارالىق اۋداندار مەسەلەسٸ تۋرالى پٸكٸر بٸلدٸردٸ, دەپ حابارلايدى قازاقپارات.
ۇلتتىق قوعامدىق سەنٸم كەڭەسٸنٸڭ VI وتىرىسىندا پرەزيدەنت قاسىم-جومارت توقاەۆ شەكارالىق اۋدانداردى دامىتۋ باعدارلاماسىن دايىنداۋ تۋرالى تاپسىرما بەرگەن بولاتىن.
«شەكارا ماڭىن بوس قالدىرۋعا بولمايدى. بۇل – ۇلتتىق قاۋٸپسٸزدٸككە تٸكەلەي قاتىسى بار مەسەلە. ونى جٷيەلٸ تٷردە شەشۋ قاجەت. قوماقتى قاراجات كەرەك بولادى. ٷكٸمەتكە مۇنى جان-جاقتى قاراستىرىپ, شەكارالاس ايماقتاردى دامىتۋ جٶنٸندە ۇسىنىس ەنگٸزۋدٸ تاپسىرامىن», - دەدٸ پرەزيدەنت.
وسى پروبلەمانى ۇلتتىق كەڭەس قۇرامىندا جٷرٸپ بەلسەندٸ كٶتەرگەن مەجٸلٸس دەپۋتاتى ەرلان سايروۆ قازاقپارات تٸلشٸسٸنە اتالمىش تٷيتكٸلدٸڭ تٷيٸنٸن تارقاتۋ تۋرالى يدەيالارىن ايتتى.
«بٷگٸن دٷنەجٷزٸندە ٶتە كٷردەلٸ گەوساياسي پروتسەس بولىپ جاتىر. ٸرٸ-ٸرٸ مەملەكەتتەردٸڭ اراسىندا كەيبٸر كەلٸسپەۋشٸلٸكتەر بار. سونىمەن بٸرگە ادامزات باسقا بٸر گەوساياسي, گەوەوكونوميكالىق فورماتسيياعا ٶتٸپ بارا جاتىر. سونىڭ بەرٸ بٸزدٸڭ سىرتقى, ٸشكٸ شەكارالارىمىزدى نىعايتۋدى تالاپ ەتەدٸ. وسى تۇرعىداعى ەڭ نەگٸزگٸ مەسەلە – شەكارالىق ايماقتارداعى اۋدانداردىڭ ەلەۋمەتتٸك-ەكونوميكالىق دامۋىن شاپشاڭداتۋ. ەربٸر مەملەكەتتٸڭ ەڭ نەگٸزگٸ كاپيتالى – ادام. ادامدار عانا مەملەكەتتٸڭ «ماتەريالدىق يممۋنيتەتٸ» بولا الادى. شەكارادا حالىق بولعاندا عانا ونىڭ قاۋٸپسٸزدٸگٸنە كەپٸلدٸك بار. سوندىقتان بٸز ەڭ بٸرٸنشٸ شەكارالىق اۋداندارعا ادام رەسۋرسىن شوعىرلاندىرۋىمىز كەرەك», - دەيدٸ دەپۋتات.
مەجٸلٸس ٶكٸلٸ شەكارالىق اۋدانداردىڭ جاعدايىمەن ارنايى بارىپ تانىسقان كەزدە بٸرنەشە جٷيەلٸك پروبلەمالارعا كۋە بولعانىن ايتادى.
«مىسالى, شىعىس قازاقستان وبلىسىنىڭ وڭتٷستٸك بٶلٸگٸندەگٸ بۇرىنعى كاتونقاراعاي, مارقاكٶل, تارباعاتاي اۋداندارىنان حالىق توقتاۋسىز كٶشٸپ جاتىر. سول جاققا حالىقتى قايتادان اپارىپ, تۇراتىنداي جاعداي جاساۋ كەرەك. ول ٷشٸن سول جاققا ادامدار تۇراتىنداي ەتٸپ ەكونوميكالىق جاعداي جاساپ, ينفراقۇرىلىمىن قالىپقا كەلتٸرۋ قاجەت. مىسالى, كٷرشٸم اۋدانىنداعى جاۋعاشتى, زايسانداعى ٷيدەنە, تارباعاتايداعى قاندىسۋ جەنە قارعىبا بٶگەتتەرٸنٸڭ بەرٸ اپاتتىق جاعدايدا تۇر. سولاردى جٶندەۋ كەرەك», -دەيدٸ ول.
ۇلتتىق كەڭەس مٷشەسٸ شەكارالىق اۋداندارداعى كٶشتٸڭ باعىتىن كەرٸ بۇرۋ ٷشٸن زاماناۋي يگٸلٸكتەردٸڭ بەرٸن اۋىلعا ورناتۋ كەرەكتٸگٸن اتادى.
«قازٸر شەكارالىق اۋدانداردا نتەرنەت جوق. قىتايدىڭ ۇيالى بايلانىسى عانا ٸستەپ تۇر. مٸنە وسىنى قالىپقا كەلتٸرۋ كەرەك. ونداي اۋدانداردىڭ بەرٸن قازاقستاننىڭ اقپاراتتىق ايماعىنا قايتادان ەنگٸزۋ كەرەك. ياعني, ولار قايتادان وتاندىق تەلەۆيدەنيەنٸ كٶرٸپ, قازاقستاننىڭ ۇيالى وپەراتورلارىنىڭ قىزمەتٸن تۇتىنۋى كەرەك. جول سالۋ دا ٶزەكتٸ مەسەلە. جەرگٸلٸكتٸ جولداردى كٷردەلٸ جٶندەۋدەن ٶتكٸزٸپ, اسفالت تٶسەپ بەرۋ قاجەت. سودان كەيٸن ول جاققا ادامداردى كٶشٸرۋ ٷشٸن ٷيلەردٸ كٶپتەپ سالىپ, شەتەلدەن كەلگەن اعايىندارىمىزدى تۇرعىزۋ مەسەلەسٸن قاراستىرعان دۇرىس دەپ ويلايمىن. ەڭ نەگٸزگٸسٸ – كەزٸندە جابىلىپ قالعان كاتونقاراعاي, مارقاكٶل, تارباعاتاي اۋداندارىن قايتا اشۋ كەرەك», - دەدٸ ەرلان سايروۆ.
