پارلامەنت مەجٸلٸسٸنٸڭ جالپى وتىرىسىندا دەپۋتات ەرلان سايروۆ اۋىل تۇرعىندارىنىڭ كەسٸبٸن قارجىلاندىرۋ بويىنشا ٷكٸمەت باسشىسى اسقار ماميننٸڭ اتىنا ساۋال جولدادى, دەپ حابارلايدى "ۇلت اقپارات".
«حالىقتىڭ كەدەيلٸگٸ ۇلتتىق قاۋٸپسٸزدٸككە تٸكەلەي كەرٸ ەسەر ەتەتٸن باستى پروبلەما! اسا ٶزەكتٸ مەسەلە - اۋىلداعى كەدەيلٸك. «Nur Otan» پارتيياسى «ەلەۋمەتتٸك مۇقتاج ادامدار مەسەلەسٸن ەكونوميكالىق تۇرعىدا شەشۋ ماڭىزدى» دەپ ەسەپتەيدٸ. بۇل مەسەلەنٸ شەشۋدٸڭ وڭتايلى ەدٸسٸ ەل-اۋقاتى تٶمەن ازاماتتاردى ميكروكرەديتپەن قامتاماسىز ەتە وتىرىپ, ادامداردىڭ بيزنەس-ساۋاتىن ارتتىرۋ. پرەزيدەنت كاسىم-جومارت كەمەلۇلى توقاەۆ ٶزٸنٸڭ ٷكٸمەتكە بەرگەن تاپسىرماسىندا ميكروكرەديت پروبلەماسىنا باسا نازار اۋداردى. ەندٸ مەسەلەنٸ ٷكٸمەت قالاي شەشەدٸ دەگەن سۇراق تۋادى», - دەدٸ دەپۋتات.
ونىڭ ايتۋىنشا, «ەڭبەك» باعدارلاماسىنىڭ نەسيەلەندٸرۋ باعىتى بويىنشا 2020 جىلى اۋىل تۇرعىندارىنا 43,3 ملرد تەڭگەگە 11 294 نەسيە بەرٸلدٸ. وسى باعدارلاما اياسىنداعى بيىلدىڭ بيۋدجەتٸ 20 ملرد تەڭگەنٸ عانا قۇراپ وتىر. ياعني, بيىل شاعىن نەسيە الۋشىلاردىڭ سانى 5200-گە ازايادى.
«پاندەمييا كەزٸندە, ۇلتتىق ەكونوميكا جەنە ەڭبەك جەنە حالىقتى ەلەۋمەتتٸك قورعاۋ مينيسترلٸكتەرٸنٸڭ كەرٸ پوزيتسيياسى بٸزگە تٷسٸنٸكسٸز», - دەدٸ سايروۆ.
ونىڭ پايىمىنشا, ميكروكرەديتتەۋدەگٸ باستى پروبلەما - كەپٸلزات مەسەلەسٸ. بۇل پروبلەمانى نەسيەگە كەپٸلدٸك بەرۋ مەحانيزمٸن ەنگٸزۋ ارقىلى ناقتى شەشەتٸن ۋاقىت جەتتٸ.
«بيىل اتامەكەن جەنە جەرگٸلٸكتٸ ەكٸمدٸكتەردٸڭ قاتىسۋىمەن شاعىن نەسيە ۇيىمدارىن اشۋ جوسپارلانىپ وتىر. نيەت دۇرىس, بٸراق ٶزٸنٸڭ تيٸمدٸلٸگٸن كٶرسەتە بٸلگەن, وڭتايلى جۇمىس ٸستەپ تۇرعان, 10 جىل شاعىن نەسيە بەرۋ تەجٸريبەسٸ بار اۋىل شارۋشالىعىن قارجىلاي قولداۋ قورى نە سەبەپتٸ جابىلماق? مەملەكەت, قاراپايىم حالىق مٷددەسٸ تۇرعىسىنان قوردى ساقتاۋ قاجەت! ٶيتكەنٸ, ٶزدەرٸ قينالىپ وتىرعان اۋىلداعى ۇساق شارۋالار مەن زەرۋ ادامدار قارجى كٶزٸنەن مٷلدەمگە قاعىلۋ قاۋپٸ باسىم. اۋىلدا ميكرو-بيزنەستٸ دامىتۋدىڭ باستى اسپەكتٸسٸ تۇتىنۋ جەنە قىزمەت كٶرسەتۋ كووپەراتيۆتەرٸن قۇرۋ. حالىقارالىق تەجٸريبەدە بۇل كووپەراتيۆتەر ٶنٸمدٸ ٶڭدەۋ, ٶتكٸزۋگە كٶمەكتەسۋ, ۆەتەرينارييا, مال ازىعىن دايىنداۋ, وزىق بٸلٸم تاراتۋمەن اينالىسادى. وسىنداي كووپەراتيۆتەردٸ, ەسٸرەسە, شالعاي ەلدٸ مەكەندەردە قۇرۋ ٶتە ٶزەكتٸ», - دەدٸ دەپۋتات.
«بۇل جٶنٸندە دە پرەزيدەنت توقاەۆ «بٸرنەشە ايماقتاردا «ەگٸستٸكتەن سٶرەگە دەيٸن» كووپەراتسييالىق تٸزبەك» جاساۋ جٶنٸندە ناقتى تاپسىرما بەرگەن. وسى باستاما بويىنشا 2 ملن اۋىل تۇرعىنىنىڭ كٸرٸسٸن ٶسٸرۋ قاراستىرىلعان. بٷگٸندە بۇل تاپسىرما فورمالدى ورىندالدى, قارجى كٶزٸ زەرۋ ادامدارعا جەتپەدٸ دەگەن پٸكٸر بار. اۋىل شارۋاشىلىعى مينيسترلٸگٸ وسى باستاما بويىنشا قانشا زەرۋ ادامعا ناقتى كٶمەك كٶرسەتٸلدٸ دەگەن ەسەپ بەرگەنٸ ابزال», - دەدٸ ەرلان سايروۆ.
