الماتى قالاسى المالى اۋداندىق سوتىندا م.ەۋەزوۆ اتىنداعى قازاق مەملەكەتتٸك اكادەمييالىق تەاترىنىڭ ەكس-ديرەكتورى ەرلان بٸلەلدٸڭ ٸسٸ بويىنشا سوت تالقىلاۋى جالعاسىپ جاتىر, دەپ حابارلايدى قازاقپارات تٸلشٸسٸ.
سوت بارىسىندا «سەزام» قورىنىڭ ديرەكتورى قايرات بايانوۆ ەرلان بٸلەلگە اقشانى قالاي بەرگەنٸ تۋرالى ايتىپ بەردٸ.
«سەزام» ديرەكتورى ەڭ العاش رەت سوتتالۋشىمەن 2017 جىلدىڭ قازانىندا كەزدەسكەن. سول كەزدەسۋ بارىسىندا سىياقى كٶلەمٸ تۋرالى ۋاعدا بولعان. بايانوۆ بٸلەلگە 1,5 ملن تەڭگە كٶلەمٸندە اقشانى بٶلٸپ-بٶلٸپ بەرۋٸ تيٸس بولعان.
«سوما تۋرالى سٶيلەسپەدٸك. ول (ەرلان بٸلەل - اۆت.) 1,5 ملن تەڭگەنٸ مەڭزەدٸ. جارايدى, كٶرەيٸك دەدٸم», - دەدٸ بايانوۆ.
كەيٸنٸرەك بايانوۆ تەرگەۋ ورىندارىمەن بٸرگە جۇمىس جاساي باستاعان.
العاشقى 600 مىڭ تەڭگەنٸ بايانوۆ كونۆەرتكە سالىپ 3 قاڭتارعا دەيٸن بەرگەن. بٸراق بٸلەل اقشانى تەزٸرەك بەرۋٸن سۇراپ, قايتا-قايتا مازالاعان.
قالعان 900 مىڭ تەڭگەنٸ بايانوۆ 4 قاڭتاردا بەرۋٸ تيٸس بولدى.
بۇعان دەيٸن كۋەگەر بولىپ كەلگەن «سەزام» قورىنىڭ ديرەكتورى قايرات بايانوۆ ازاماتتىق ارىزدانۋشى بولۋعا نيەت بٸلدٸرگەن ەدٸ. وعان بٸلەلدٸڭ قورعاۋشىسى مەن مەملەكەتتٸك ايىپتاۋشى قارسى شىعىپ, بۇل ٸستە تەك مەملەكەت جاپا شەگۋشٸ ەكەندٸگٸن جەتكٸزدٸ.
ٸس ماتەريالدارىنا قاراعاندا, ەرلان بٸلەل «سەزام» قايىرىمدىلىق شىعارماشىلىق قورىنىڭ باسشىسى قايرات بايانوۆتان 1,5 ملن تەڭگە كٶلەمٸندە پارا الماق بولعان. بۇل قارجىعا تەاتر عيماراتىندا بالالارعا ارنالعان قويىلىم ٶتۋٸ تيٸس بولاتىن.
الدىڭعى سوت وتىرىسىندا ەرلان بٸلەل 600 مىڭ تەڭگەنٸ قارىزعا تاراتىپ تاستاعانىن ايتقان ەدٸ.
ەسكە سالا كەتەيٸك, الماتىدا م.ەۋەزوۆ اتىنداعى قازاق مەملەكەتتٸك اكادەمييالىق دراما تەاترىنىڭ ديرەكتورى, بەلگٸلٸ اكتەر ەرلان بٸلەل 1,5 ملن تەڭگە كٶلەمٸندە پارا الىپ جاتقان جەرٸنەن ۇستالعان بولاتىن.
