تٷركييا پرەزيدەنتٸ رەجەپ ەردوعان مەملەكەتتٸك ستاتيستيكا ينستيتۋتىنىڭ جەتەكشٸسٸ سايت ەردال دينچەردٸ وتستاۆكاعا جٸبەردٸ. قاڭتار باسىندا ەلدە ينفلياتسييا دەڭگەيٸنٸڭ 19 جىلدا بولماعان دەڭگەيگە جەتكەنٸ تۋرالى رەسمي مەلٸمەت جارييالانعان. ستاتيستيكا ينستيتۋتىنىڭ جەتەكشٸسٸ وسى مەلٸمەت شىققان سوڭ بٸرنەشە اپتادان كەيٸن قىزمەتٸنەن كەتٸپ وتىر, دەپ حابارلايدى ازاتتىق.
دينچەردٸڭ ورنىنا ينستيتۋت جەتەكشٸسٸ بولىپ ەرحان چەتينكايا تاعايىندالدى. ول بۇعان دەيٸن بانكتەردٸ رەتتەيتٸن مەكەمە تٶراعاسىنىڭ ورىنباسارى بولعان. ەردوعان كادرلىق شەشٸمٸنٸڭ مەنٸن تٷسٸندٸرمەدٸ.
3 قاڭتاردا تۇتىنۋشى باعا يندەكسٸ جەلتوقساندا بىلتىرعى جىلدىڭ وسى كەزەڭٸمەن سالىستىرعاندا 36,1 پايىزعا ارتقانى تۋرالى مەلٸمەت جارييالانعان كەزدە دينچەردٸ ٷكٸمەت تە, وپپوزيتسييا ٶكٸلدەرٸ دە قاتاڭ سىناعان.
وپپوزيتسييا ٶمٸر سٷرۋ كەمٸندە ەكٸ ەسە قىمباتتاپ كەتكەنٸن ايتسا, تٷرٸك اقپارات قۇرالدارى ەردوعان "ەلدەگٸ ەكونوميكالىق داعدارىس اۋقىمىنىڭ تىم ۇلعايتىلىپ كٶرسەتكەنٸنە" نارازى دەپ جازدى.
ساراپشىلار ەردوعاننىڭ ورتالىق بانك جۇمىسىنا ارالاسۋى ينفلياتسييانى ۋشىقتىرىپ جٸبەردٸ دەپ سانايدى. كٶپتەگەن ەلدە ورتالىق بانكتەر پايىزدىق مٶلشەرلەمەنٸ ارتتىرىپ, اقشا-نەسيە ساياساتىن قاتاڭداتۋ ارقىلى ينفلياتسييانى تەجەگٸسٸ كەلەدٸ. ال ەردوعاننىڭ ايتۋىنشا, جوعارى پايىز مٶلشەرلەمەسٸ ينفلياتسييانى تۋدىرعاندىقتان, ونى ازايتۋعا مەجبٷر ەكەنٸن ايتقان.
