بٷگٸن مەجٸلٸستە «جەكە قوسالقى شارۋاشىلىق تۋرالى» زاڭ جوباسىن تالقىلاۋ كەزٸندە سٷت ٶنٸمدەرٸنٸڭ ساپاسىنا قاتىستى پروبلەمالار ايتىلدى, دەپ حابارلايدى قازاقپارات تٸلشٸسٸ.
اتالعان قۇجاتتى تانىستىرۋ بارىسىندا مەجٸلٸس دەپۋتاتى ەرلان سايروۆ ەاەو تەحنيكالىق رەگلامەنتٸ اياسىندا قازاقستاندا جەكە قوسالقى شارۋاشىلىقتاردان سٷت قابىلداۋ مەسەلەسٸن كٶتەردٸ.
«2025 جىلعى 1 قاڭتاردان باستاپ ەۋرازييالىق ەكونوميكالىق وداق تەحنيكالىق رەگلامەنتٸ اياسىندا قازاقستاندا جەكە قوسالقى شارۋاشىلىقتاردان سٷت زاۋىتتارىنا سٷت قابىلداۋعا تىيىم سالىنادى. ٶزٸڭٸز بٸلەسٸز, بٸزدٸڭ قوسالقى شارۋاشىلىقتاردىڭ سٷت ٶنٸمٸ تاماق ٶنٸمٸ قاۋٸپسٸزدٸگٸ تالاپتارىنا سەيكەس كەلمەيدٸ. بٷگٸندە جەكە قوسالقى شارۋاشىلىقتاردا 70 پايىزى, ياعني 5 ملن-عا جۋىق ادام اۋىلدا وسى سٷتتٸ ٶتكٸزٸپ, نەپاقاسىن تاۋىپ وتىر. ەندٸ, 2025 جىلعا دەيٸن ٷش جىل قالدى, وسىنى شەشۋ ٷشٸن قانداي قادامدار جاسالدى? ٷش جىلدىڭ ٸشٸندە بۇل مەسەلەنٸ شەشۋگە بٸزدٸڭ جاعدايىمىز جەتە مە? سەبەبٸ بۇل مەسەلەنٸڭ ەلەۋمەتتٸك ماڭىزى زور», - دەدٸ ە. سايروۆ.
ٶز كەزەگٸندە اۋىل شارۋاشىلىعى مينيسترٸ ەربول قاراشٶكەەۆ وسى مەسەلە ٶتە كٷردەلٸ ەكەنٸن, سونداي-اق ٷش جىلدىڭ ٸشٸندە اتالعان پروبلەمانى شەشۋ مٸندەتتٸ بولىپ تۇرعانىن اتاپ ٶتتٸ.
«2025 جىلدان باستاپ بٸزدە سٷت ٶڭدەۋ زاۋىتتارى جەكە قوسالقى شارۋاشىلىقتاردان جيناپ وتىرعان سٷتتٸڭ ساپاسىنا مٸندەتتەمەنٸ كٶتەرەدٸ. وسى ورايدا بٸزدٸڭ 40-50 پايىز سٷت ٶڭدەيتٸن زاۋىتتاردىڭ قابىلداپ وتىرعان ٶنٸمدٸ جەكە قوسالقى شارۋاشىلىقتاردان الا الماي قالادى. سول سەبەپتەن بٷگٸن قاراستىرىپ وتىرعان زاڭ جوباسى ٶتە ماڭىزدى. قازٸرگٸ تەجٸريبەنٸ قارايتىن بولساق, تاتارستاندا, باشقۇرتستاندا تيٸستٸ زاڭداردىڭ اياسىندا جەكە قوسالقى شارۋاشىلىقتارداعى ٸرٸ قارانىڭ, سٷتتٸڭ ساپاسىن كٶتەرۋدە بٸراز جۇمىس اتقاردى. سول سەبەپتٸ تاتارستانعا ساپارمەن بارىپ, تەجٸريبەسٸمەن تانىسپاقپىن», - دەدٸ مينيستر.
ە. قاراشٶكەەۆ اتالعان مەسەلەنٸ جٷيەلٸ تٷردە شەشۋ كەرەك ەكەنٸن اتاپ ٶتتٸ. بۇل باعىتتاعى تيٸستٸ جۇمىستاردى كووپەراتسييا ارقىلى شەشۋگە بولادى.
«تانىستىرىلىپ وتىرعان زاڭ جوباسىنىڭ ماقساتتارىنىڭ بٸرٸ اتالعان مەسەلەلەرگە دە ارنالعان. جەكە قوسالقى شارۋاشىلىقتاردىڭ كووپەراتيۆتەرگە بٸرٸگٸپ, وسى ارقىلى مەملەكەتتٸك قولداۋ الىپ, ٶزدەرٸنٸڭ ٶنٸمدەرٸنٸڭ ساپاسىن كٶتەرە الادى», - دەدٸ ۆەدومستۆو باسشىسى.
وسى باعىتتا اسىل تۇقىمدى ٸرٸ قارا مالدى كٶبەيتۋ, مامانداردى تارتۋ جەنە باسقا دا جۇمىستاردى كووپەراتيۆتەر ارقىلى بٸرٸكتٸرٸپ, جەكە قوسالقى شارۋاشىلىقتارعا قولداۋ جاسالماق.
