جەر رەفورماسى جٶنٸندەگٸ كوميسسييانىڭ بٸرٸنشٸ وتىرىسىندا 10 سوتىق جەر تەلٸمٸن بەرۋ مەسەلەسٸ كٶتەرٸلدٸ, دەپ حابارلايدى "ۇلت اقپارات".
«10 سوتىق جەر تەلٸمٸ بويىنشا كودەكستە جازىلعان. ۇناي ما, ۇناماي ما - بەرۋ كەرەك, ول - كودەكس نورماسى. سوندىقتان بۇل مەسەلەدە بارلىعىن رەتكە كەلتٸرگەن جٶن», - دەدٸ ەۋروپالىق قۇقىق جەنە ادام قۇقىعى ساراپشىلىق ينستيتۋتىنىڭ ديرەكتورى, ساياساتكەر مارات باشيموۆ.
ٶز كەزەگٸندە قر پرەمەر-مينيسترٸنٸڭ ورىنباسارى ەرالى توعجانوۆ كٶتەرٸلگەن مەسەلە جان-جاقتى قارالاتىنىن ايتتى. ونىڭ سٶزٸنشە, 10 سوتىق جەر تەلٸمٸن بٶلۋگە قاتىستى ەڭ الدىمەن تيٸستٸ جۇمىستار اتقارىلۋى كەرەك. ياعني جەر تەلٸمٸ بەرٸلەتٸن بولسا, ينفراقۇرىلىمنىڭ سالىنۋىنا ەرەكشە نازار اۋدارىلۋى تيٸس.
«ينفراقۇرىلىمنىڭ ٶزٸن جٷرگٸزۋ ٷشٸن ورتا ەسەپپەن 4 ترلن-نان ارتىق قاراجات كەرەك بولادى. سوندىقتان وسىنىڭ بارلىعىن ەسەپتەۋٸمٸز كەرەك. بۇل باعىتتاعى جۇمىستار بٸر كٷندە شەشٸلەتٸن مەسەلە ەمەس», - دەدٸ توعجانوۆ.
