ساۋد ارابيياسىنىڭ سىرتقى ٸستەر مينيسترلٸگٸ رەسەي پرەزيدەنتٸ ۆلاديمير پۋتيننٸڭ "ساۋد ارابيياسى تاقتاتاس مۇناي ٶندٸرەتٸن بەسەكەلەستەرٸن نارىقتان ىعىستىرۋ ٷشٸن وپەك+ كەلٸسٸمٸنەن شىقتى" دەگەن مەلٸمدەمەسٸن جوققا شىعاردى.
Arabnews سايتىنىڭ جازۋىنشا, سىرتقى ٸستەر مينيسترٸ فەيسال بەن فارحان ەل ساۋد پۋتيننٸڭ "مەلٸمدەمەسٸندە ايتىلعانداردىڭ بەرٸ ٶتٸرٸك" دەگەن. حانزادا پۋتين مەلٸمدەمەسٸ ەمەس, كرەمل سايتىنداعى ستەنوگراممادان الىنعان اقپارات قۇرالدارىنداعى حابارلاماعا سٷيەنگەن.
مينيستردٸڭ ايتۋىنشا, رەسەي وپەك+ مۇناي ٶندٸرۋشٸ ەلدەردٸڭ كەلٸسٸمٸن ۇزارتۋدان باس تارتىپ, 6 سەۋٸردە بولاتىن ۇيىم وتىرىسىندا دۇرىس شەشٸم قابىلداۋعا شاقىرعان.
بۇعان دەيٸن وپەك-كە مٷشە ەلدەر جەنە رەسەيدٸڭ ەنەرگەتيكا مينيسترٸنٸڭ كەلٸسسٶزٸنە قاتىسقانداردىڭ بٸرٸ Bloomberg اگەنتتٸگٸنە رەسەيلٸك مينيستر كەلٸسٸمنەن شىعاتىنىن حابارلاعان كەزدە شەتەل ەرٸپتەستەرٸنٸڭ قاتتى تاڭعالىپ, داعدارىپ قالعانىن ايتقان بولاتىن.
وسى اپتا سوڭىندا مەسكەۋ مەن ەر-ريياد اراسىندا كەلٸسسٶز بولاتىنى تۋرالى حابار تاراعان كەزدە Brent ماركالى مۇناي باررەلٸنە 35 دوللارعا دەيٸن قىمباتتادى. ونىڭ الدىندا 22 دوللارعا دەيٸن قۇلدىراپ كەتكەن ەدٸ. رەسەي مۇناي ٶندٸرۋدٸ ازايتۋدان باس تارتقاننان كەيٸن حالىقارالىق نارىقتا مۇناي باعاسى كٷرت ارزانداعان. بۇعان دەيٸن رەسەيلٸك باق مەسكەۋ نارىقتان اقش-تىڭ تاقتاتاس مۇنايىن ىعىستىرعىسى كەلدٸ دەپ جازعان.
