ەۋرووداق نارازىلىق اكتسيياسىنا قاتىسقاندارعا كٷش قولدانىپ, نەگٸزسٸز قاماعان جەنە سايلاۋ قورىتىندىسىن بۇرمالاعان بەلارۋس بيلٸگٸ ٶكٸلدەرٸنە سانكتسييا سالۋى مٷمكٸن. ەو-نىڭ سىرتقى ساياسات جٶنٸندەگٸ ۆەدومستۆو جەتەكشٸسٸ جوزەپ بوررەلدٸڭ سەيسەنبٸ كٷنٸ جارييالاعان مەلٸمدەمەسٸندە وسىلاي دەپ ايتىلعان.
مەلٸمدەمەدە بەلارۋستە 9 تامىزدا ٶتكەن پرەزيدەنت سايلاۋىنىڭ ەدٸل, ەركٸن ٶتپەگەنٸ جەنە ەقىۇ ستاندارتتارىنا سەيكەس كەلمەگەنٸ جازىلعان. بۇعان قوسا, مەلٸمدەمە اۆتورلارى بەلارۋس بيلٸگٸنٸڭ نارازىلىق اكتسيياسىنا قاتىسۋشىلارعا ارتىق كٷش قولدانعانىن سىناپ, سونىڭ كەسٸرٸنەن كەمٸندە بٸر دەمونسترانت قازا بولعانىن, كٶپ ادام جاراقاتتانعانىن اتاپ ٶتكەن.
ەو بەلارۋس بيلٸگٸن ۇستالعان ازاماتتاردىڭ بارلىعىن شارت قويماي شۇعىل بوساتۋعا شاقىرعان.
مەلٸمدەمەدە 2015 جىلدان بەرٸ ەو مەن مينسك اراسىنداعى قارىم-قاتىناستىڭ جاقسارعانى, الايدا ادام قۇقىعىن ٶرەسكەل تاپتاۋ فاكتٸلەرٸنە بايلانىستى ناشارلاۋى مٷمكٸن ەكەنٸ ايتىلعان. وندا سونىمەن بٸرگە جاعداي ۋشىقپاس ٷشٸن بيلٸكتٸ قوعاممەن ديالوگ ورناتۋعا شاقىرعان ۇسىنىس تا بار.
پولشا, ليتۆا جەنە ۋكراينانىڭ سىرتقى ٸستەر مينيسترلەرٸ ورتاق مەلٸمدەمە جاساپ, بەلارۋس بيلٸگٸن ازاماتتىق قوعاممەن ديالوگ ورناتۋعا شاقىرعان جەنە سونداي ديالوگتاردى ۇيىمداستىرۋ بويىنشا ارااعايىندىق جاساۋعا دايىن ەكەنٸن دە جەتكٸزگەن.
بۇعان دەيٸن بەلارۋس سٸم ەو "ناقتى نە بولعانىن بٸلۋگە تىرىسپاي, ەلدەگٸ جاعدايعا باعا بەرۋگە تىرىسادى" دەپ مەلٸمدەگەن بولاتىن. سٸم مەلٸمدەمەسٸندە مينسك "بولىپ جاتقان وقيعالاردىڭ استارىن ەشكەرەلەيتٸن بۇلتارتپاس فاكتٸلەردٸ (سىرتقى كٷشتەردٸڭ ارالاسقانىن دەلەلدەيتٸن ايعاقتاردى دا) كٶرسەتۋگە دايىن" دەگەن ەدٸ.
بەلارۋس ورتالىق سايلاۋ كوميسسيياسىنىڭ مەلٸمەتٸنشە, 9 تامىزدا ٶتكەن پرەزيدەنت سايلاۋىنىڭ الدىن الا قورىتىندىسى بويىنشا قازٸرگٸ باسشى الەكساندر لۋكاشەنكو جەڭگەن. بۇل اقپارات ەلدٸڭ تٷرلٸ قالالارىندا نارازىلىقتىڭ تۇتانۋىنا سەبەپ بولعان. نارازىلار سايلاۋ قورىتىندىسى بۇرمالاندى دەپ سانايدى. بەلارۋس بيلٸگٸ نارازىلىقتى باسىپ جاتىر, مىڭداعان ادام ۇستالعان.
