قر ەنەرگەتيكا ۆيتسە-مينيسترٸ جاندوس نۇرماعانبەتوۆ سەنات وتىرىسىنان كەيٸن باق ٶكٸلدەرٸنە بەرگەن سۇحباتىندا قازاقستاندا سالىنۋى مٷمكٸن اەس-تٸڭ ورنى تۋرالى پٸكٸر بٸلدٸردٸ, دەپ حابارلايدى قازاقپارات.
«اتوم ەلەكتر ستانساسىن سالاتىن الاڭ تاڭداپ الىنعان جوق. سالۋ مەسەلەسٸ قارالىپ جاتىر. جٷرگٸزٸلگەن ەسەپتەر قازاقستاننىڭ ەكولوگييالىق كودەكستە قويىلعان مٸندەتتەرگە قول جەتٸكٸزۋٸ ٷشٸن سىرتقا قالدىق تاستامايتىن جاڭا گەنەراتسييا سالۋ قاجەتتٸگٸن كٶرسەتتٸ.
بٸزدەگٸ گەنەراتسييالاۋدىڭ نەگٸزگٸ بٶلٸگٸ سوۆەت ۋاقىتىندا سالىنعان. جاڭا سالىنعاندارى سونداي كٶپ ەمەس. سوندىقتان ستانسالاردىڭ ەسكٸرۋ پروبلەماسى بار. ياعني جاڭا گەنەراتسييالار الۋ قاجەت. كٶمٸرسۋتەكسٸز گەنەراتسيياعا وسى اتوم ستانساسى جاتادى. سوندىقتان اتوم ستانساسىن سالۋ مەسەلەسٸ قارالىپ وتىر», - دەدٸ ول.
ايتۋىنشا, ەزٸرگە سالىنۋى مٷمكٸن اتوم ستانساسىنىڭ قۇرىلىس الاڭى, ستانسانىڭ كٶلەمٸ مەن مٶلشەرٸ انىقتالعان جوق.
«مەنٸڭ ويىمشا ناقتى شەشٸم بيىل قابىلداناتىن بولۋى كەرەك», - دەدٸ ۆيتسە-مينيستر.
