ەلەكتروندى ٷكٸمەت پورتالىندا ديلەردەن ساتىپ العان كٶلٸكتٸ باستاپقى دەڭگەيدە تٸركەۋگە مٷمكٸندٸك بەرەتٸن قىزمەت پايدا بولدى, - دەپ حابارلايدى كولەسو.كز.
اۆتوكٶلٸكتەردٸ ونلاين تٸركەۋ قىزمەتٸ قازاقستاندا ٶندٸرٸلگەن كٶلٸكتەر ٷشٸن دە, ەل اۋماعىنا يمپورتتالعاندارى ٷشٸن دە قولجەتٸمدٸ. ونى قولدانۋ ٷشٸن ديلەرلٸك ورتالىق egov.kz پورتالىندا كٶلٸك قۇرالىن تٸركەۋگە ٶتٸنٸم بەرۋٸ تيٸس.
«ول ٷشٸن پورتالدا اۆتورلاندىرۋدان ٶتٸپ, «كٶلٸك جەنە كوممۋنيكاتسييالار» بٶلٸمٸنەن «قازاقستان رەسپۋبليكاسى اۋماعىنداعى رەسمي ديلەرلەردەن ساتىپ الىنعان كٶلٸك قۇرالدارىن باستاپقى تٸركەۋ» دەگەن ايدارعا ٶتٸپ, «ونلاين سۇراۋ» باتىرماسىن باسۋ قاجەت. ارتىنشا «شاناق نٶمٸرٸن» ەنگٸزەسٸز. «شاناق نٶمٸرٸ» سەتتٸ تەكسەرٸلگەن سوڭ ٶتٸنٸمدەگٸ بارلىق مٸندەتتٸ جولداردى تولتىرۋ كەرەك. وسىدان كەيٸن قاجەتتٸ قۇجاتتاردى تٸركەيسٸز دە, سۇرانىمدا كٶلٸكتٸ ساتىپ الۋشىنىڭ جسن-ٸن ەنگٸزۋ قاجەت. ەتسق (ەلەكتروندى تسيفرلىق قولتاڭبا) ارقىلى قول قوياسىز. سودان سوڭ ساتىپ الۋشىعا راستاۋعا جٸبەرۋ كەرەك», - دەلٸنگەن حابارلامادا.
ەرٸ قاراي ساتىپ الۋشى «قىزمەتتەردٸ الۋ تاريحى» بٶلٸمٸنە ٶتٸپ, جەكە كابينەتٸندەگٸ رەسٸمدەلگەن سۇرانىممەن تانىسۋى تيٸس. ارتىنشا كٶلٸگٸنە نٶمٸر تاڭداپ, مەملەكەتتٸك باج سالىعى مەن تٸركەۋ جارناسىن تٶلەيدٸ دە, ەتسق ارقىلى سۇرانىمدى راستايدى. ساتىپ الۋشى دايىن قۇجاتتاردى ٶزٸ تۇراتىن ٶڭٸردەگٸ مامانداندىرىلعان حقكو-نان الىپ كەتە الادى.
