قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ەڭبەك, ەلەۋمەتتٸك قورعاۋ جەنە كٶشٸ-قون كوميتەتٸنٸڭ تٶراعاسى ەربول نۇرعاليەۆ كەسٸپورىندارداعى ەڭبەك داۋلارى تۋرالى پٸكٸر بٸلدٸردٸ, دەپ حابارلايدى قازاقپارات.
«كەسٸپورىنداردا بولعان 23 ەڭبەك داۋىن بٸز تٷگەلدەي تالداپ شىقتىق. جۇمىسشىلار كٶتەرگەن مەسەلەنٸڭ 80 پايىزى ايلىقتى ٶسٸرۋ تۋرالى. بۇل جەردە بٸر مەكەمەدە ٸستەيتٸن قىزمەتكەرلەردٸڭ جالاقىسىندا ايىرماشىلىق بار. سوعان بايلانىستى جالاقىلاردى تەڭەستٸرۋ بويىنشا جۇمىستى باستادىق. ەنەرگەتيكا مينيسترلٸگٸ سيياقتى تيٸستٸ ۆەدومستۆولارعا سالاداعى جالاقىنى بٸرٸزدەندٸرۋ تۋرالى تاپسىرما بەرٸلدٸ. كٶبٸنەسە مۇنداي شيەلەنٸستەر مۇناي-گاز سەكتورىندا بولىپ جاتىر. بۇل باعىتتا جۇمىس جٷرگٸزٸلٸپ جاتىر», - دەدٸ ول ورتالىق كوممۋنيكاتسييالار قىزمەتٸندە ٶتكەن بريفينگٸدە.
كوميتەت تٶراعاسىنىڭ ايتۋىنا قاراعاندا, ماڭعىستاۋ وبلىسىنداعى كەسٸپورىنداردا ەڭبەك داۋلارى شەشٸلە باستادى.
«ەڭبەك داۋلارى تۋعان مەكەمەلەردٸڭ بەرٸن باقىلاۋعا الىپ وتىرامىز. بٷگٸندە 363 مەكەمەنٸ باقىلاۋعا الدىق. ونىڭ 333-ٸندە مەسەلە شەشٸلدٸ. تەك 30 مەكەمەدە مەسەلە شەشٸلمەي تۇر. ونىمەن جەرگٸلٸكتٸ ەكٸمدٸكتەر اينالىسىپ جاتىر. بٸز دە قاداعالاپ وتىرمىز.
ماڭعىستاۋ مەن اتىراۋ وبلىستارىنداعى ٸرٸ كەسٸپورىندارمەن جۇمىس ورىندارىن ساقتاۋ تۋرالى مەموراندۋمدار جاسالادى. ول مەموراندۋمنىڭ ورىندالۋىن جٸتٸ باقىلاپ وتىرامىز», - دەدٸ ەربول نۇرعاليەۆ.
