QR Eńbek jáne halyqty áleýmettik qorǵaý ministrligi Eńbek, áleýmettik qorǵaý jáne kóshi-qon komitetiniń tóraǵasy Erbol Nurǵaliev kásiporyndardaǵy eńbek daýlary týraly pikir bildirdi, dep habarlaidy QazAqparat.
«Kásiporyndarda bolǵan 23 eńbek daýyn biz túgeldei taldap shyqtyq. Jumysshylar kótergen máseleniń 80 paiyzy ailyqty ósirý týraly. Bul jerde bir mekemede isteitin qyzmetkerlerdiń jalaqysynda aiyrmashylyq bar. Soǵan bailanysty jalaqylardy teńestirý boiynsha jumysty bastadyq. Energetika ministrligi siiaqty tiisti vedomstvolarǵa saladaǵy jalaqyny birizdendirý týraly tapsyrma berildi. Kóbinese mundai shielenister munai-gaz sektorynda bolyp jatyr. Bul baǵytta jumys júrgizilip jatyr», - dedi ol ortalyq kommýnikatsiialar qyzmetinde ótken brifingide.
Komitet tóraǵasynyń aitýyna qaraǵanda, Mańǵystaý oblysyndaǵy kásiporyndarda eńbek daýlary sheshile bastady.
«Eńbek daýlary týǵan mekemelerdiń bárin baqylaýǵa alyp otyramyz. Búginde 363 mekemeni baqylaýǵa aldyq. Onyń 333-inde másele sheshildi. Tek 30 mekemede másele sheshilmei tur. Onymen jergilikti ákimdikter ainalysyp jatyr. Biz de qadaǵalap otyrmyz.
Mańǵystaý men Atyraý oblystaryndaǵy iri kásiporyndarmen jumys oryndaryn saqtaý týraly memorandýmdar jasalady. Ol memorandýmnyń oryndalýyn jiti baqylap otyramyz», - dedi Erbol Nurǵaliev.
