قازاقستاندا تۇرعىنداردى ەمحاناعا تٸركەۋ قاتىستى ەرەجەگە ٶزگەرٸس ەنگٸزٸلدٸ, دەپ حابارلايدى "ۇلت اقپارات".
قر دەنساۋلىق ساقتاۋ مينيسترٸ «مەديتسينالىق-سانيتارييالىق العاشقى كٶمەك كٶرسەتەتٸن دەنساۋلىق ساقتاۋ ۇيىمدارىنا جەكە تۇلعالاردى بەكٸتۋ قاعيدالارىن بەكٸتۋ تۋرالى» 2020 جىلعى 13 قاراشاداعى بۇيرىعىنا ٶزگەرٸستەر مەن تولىقتىرۋلار ەنگٸزدٸ.
جەكە تۇلعالاردىڭ ەمحاناعا تٸركەلۋٸ ولارعا تمككك (تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸن) اياسىندا جەنە مەمس (مٸندەتتٸ ەلەۋمەتتٸك-مەديتسينالىق ساقتاندىرۋ) جٷيەسٸندە جەكە سەيكەستەندٸرۋ نٶمٸرٸ ارقىلى العاشقى مەديتسينالىق-سانيتارلىق كٶمەكتٸ الۋعا مٷمكٸندٸك بەرەدٸ.
قۇجاتتا كٶرسەتٸلگەندەي, تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸ اياسىندا ازاماتتارعا ۇسىنىلاتىن العاشقى مەديتسينالىق-سانيتارلىق كٶمەك ەل ازاماتتارىمەن قاتار قانداستارعا, بوسقىندارعا, شەتەل ازاماتتارى مەن قازاقستاندا تۇراقتى تۇراتىن ازاماتتارعا كەلٸسٸمشارت اياسىندا كٶرسەتٸلەدٸ.
«جەكە تۇلعا ەمحاناعا نەمەسە مەديتسينالىق ورتالىققا تٸركەلگەن كەزدە, وسىعان دەيٸنگٸ مەديتسينالىق قىزمەت العان مەكەمەدەن اۆتوماتتى تٷردە شىعارىلادى», - دەلٸنگەن بۇيرىقتا.
سونداي-اق, ازاماتتاردى ەمحاناعا تٸركەۋ تۇراقتى جەنە ۋاقىتشا مەكەنجاي بويىنشا جٷزەگە اسىرىلادى. جەنە ازاماتقا ەمحانانى تاڭداۋ مٷمكٸندٸگٸ بەرٸلەدٸ.
سول سيياقتى ازاماتتار ەمحاناعا «ەلەكتروندى ٷكٸمەت» ۆەب-پورتالى ارقىلى ٶتٸنٸش بەرٸپ, ٶزدٸگٸنەن تٸركەلە الادى. ەمحانا ازاماتتارعا قاتىستى جەكە مەلٸمەتتەردٸ تيٸستٸ مەملەكەتتٸك اقپاراتتىق جٷيەدەن الادى.
