Qazaqstanda turǵyndardy emhanaǵa tirkeý qatysty erejege ózgeris engizildi, dep habarlaidy "Ult aqparat".
QR Densaýlyq saqtaý ministri «Meditsinalyq-sanitariialyq alǵashqy kómek kórsetetin densaýlyq saqtaý uiymdaryna jeke tulǵalardy bekitý qaǵidalaryn bekitý týraly» 2020 jylǵy 13 qarashadaǵy buiryǵyna ózgerister men tolyqtyrýlar engizdi.
Jeke tulǵalardyń emhanaǵa tirkelýi olarǵa TMKKK (tegin meditsinalyq kómektiń kepildik berilgen kólemin) aiasynda jáne MÁMS (mindetti áleýmettik-meditsinalyq saqtandyrý) júiesinde jeke sáikestendirý nómiri arqyly alǵashqy meditsinalyq-sanitarlyq kómekti alýǵa múmkindik beredi.
Qujatta kórsetilgendei, tegin meditsinalyq kómektiń kepildik berilgen kólemi aiasynda azamattarǵa usynylatyn alǵashqy meditsinalyq-sanitarlyq kómek el azamattarymen qatar qandastarǵa, bosqyndarǵa, shetel azamattary men Qazaqstanda turaqty turatyn azamattarǵa kelisimshart aiasynda kórsetiledi.
«Jeke tulǵa emhanaǵa nemese meditsinalyq ortalyqqa tirkelgen kezde, osyǵan deiingi meditsinalyq qyzmet alǵan mekemeden avtomatty túrde shyǵarylady», - delingen buiryqta.
Sondai-aq, azamattardy emhanaǵa tirkeý turaqty jáne ýaqytsha mekenjai boiynsha júzege asyrylady. Jáne azamatqa emhanany tańdaý múmkindigi beriledi.
Sol siiaqty azamattar emhanaǵa «Elektrondy úkimet» veb-portaly arqyly ótinish berip, ózdiginen tirkele alady. Emhana azamattarǵa qatysty jeke málimetterdi tiisti memlekettik aqparattyq júieden alady.
