دەنساۋلىق ساقتاۋ مينيسترٸ ەلجان بٸرتانوۆ حالىققا ەكپە جاساۋعا قاتىستى تاعى دا پٸكٸر بٸلدٸردٸ, دەپ حابارلايدى "ۇلت اقپارات".
«ۆاكتسيناتسييالاۋ – قازٸرگٸ كودەكس پەن جاڭا كودەكس جوباسى بويىنشا كەز كەلگەن ادامعا كەلٸسٸمٸ ارقىلى عانا (نەمەسە زاڭدى ٶكٸلٸنٸڭ كەلٸسٸمٸ – بالانىڭ اتا-اناسى) جاسالادى. كەز كەلگەن ادام (اتا-انا) ودان باس تارتا الادى. ول مەجبٷرلٸ ەمەس. ەيتسە دە حالىقتى ۆاكتسيناتسييالاۋ – ينفەكتسييا ەپيدەميياسىنان حالىقتىڭ قورعاۋدىڭ بٸردەن-بٸر عىلىمي نەگٸزگە يە ەرٸ دەلەلدەنگەن امالى. بۇل مەملەكەتتٸك دەنساۋلىق ساقتاۋدىڭ مٸندەتتٸ شاراسى», - دەپ جازدى ەلجان بٸرتانوۆ Facebook پاراقشاسىندا.
مينيستر «ەگەر ۆاكتسيناتسييا مٸندەتتٸ بولمايتىن بولسا – پەرزەنتحانالار مەن اۋرۋحانالاردىڭ دەرٸگەرلەرٸ ٷشٸن مٸندەتتٸ بولمايتىنىن» جەتكٸزدٸ.
«بٸزگە بۇل ۆاكتسينالاردى ساتىپ الۋ كەرەك بولماي قالادى. جىلىنا 4 ميلليوننان استام بالاعا تۋعان كەزدە جەنە تۋعاننان كەيٸن مەملەكەت ەسەبٸنەن پوليوميەليت, تۋبەركۋلەز, سٸرەسپە, قىزىلشا, كٶكجٶتەل, گەپاتيت, پنەۆمونيياعا قارسى ەكپە جاسالمايدى», - دەپ تٷيدٸ ەلجان بٸرتانوۆ.
ايتا كەتەرلٸگٸ, پارلامەنت مەجٸلٸسٸنٸڭ دەپۋتاتتارى «قازاقستان رەسپۋبليكاسىنىڭ دەنساۋلىق ساقتاۋ مەسەلەلەرٸ بويىنشا كەيبٸر زاڭنامالىق اكتٸلەرگە ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن ماقۇلداعان بولاتىن. ٸزٸنشە ەكپەلەردٸڭ بەرٸن دە مٸندەتتٸ جەنە ەرٸكتٸ دەپ ەكٸگە بٶلۋ تۋرالى شەشٸم قابىلداندى.
