26 تامىز كٷنٸ جامبىل وبلىسى بايزاق اۋدانىنداعى ەسكەري بٶلٸمشەدە بولعان جارىلىستان سوڭ ٸز-تٷزسٸز جوعالعان باۋىرجان دەۋٸتباەۆتىڭ تۋىستارى ەيگٸلٸ كٶرٸپكەل كيامران سامەدوۆتەن كٶمەك سۇرادى دەپ جازادى KAZ.NUR.KZ.
ٸز-تٷزسٸز جوعالعان باۋىرجان دەۋٸتباەۆتىڭ تۋىستارى مەن "بيتۆا ەكستراسەنسوۆ" جوباسىنىڭ قاتىسۋشىسىن بەلگٸلٸ جۋرناليست گۋلميرا ەبٸقاي بايلانىستىردى. تٸكەلەي ەفيردە ٶتكەن ەڭگٸمەلەسۋ بارىسىندا سامەدوۆ جوعالعان جٸگٸتتٸڭ تۋىستارى ٶزٸنە ەرتەرەك حابارلاسپاعانىن, ەگەر ون كٷن بۇرىن تٸلدەسكەندە, وقيعا ورنىنا ٶزٸ ارنايى كەلەتٸنٸن مەلٸمدەگەن.
سونداي-اق, ول جوعالعان ەسكەري قىزمەتكەرگە قاتىستى ناقتى بٸر بولجامدار ايتقان جوق.
ال باۋىرجان دەۋٸتباەۆتىڭ تۋىستارى بولسا, بٷگٸنگە دەيٸن ەلۋگە جۋىق بالشىنىڭ الدىنا بارعانىن ايتتى. بالگەرلەردٸڭ باسىم كٶپشٸلٸگٸ باۋىرجاننىڭ تٸرٸ ەكەنٸن ايتۋدا. سونداي-اق, ەسكەري فورماداعى ادامنىڭ قاشىپ بارا جاتقانىن دا كٶرگەندەر بار. الايدا, ارادا قىرىق كٷننەن اسا ۋاقىت ٶتسە دە, باۋىرجان دەۋٸتباەۆتىڭ تۋىستارى ونىڭ نە تٸرٸ, نە ٶلٸ ەكەنٸن بٸلە الماي, ەۋرەگە سالىنۋدا.
"باسىندا “قويشى كٶرٸپتٸ, تاۋ اسىپ كەتتٸ, بەتٸن جاۋىپ قاشىپتى” دەگەن سىبىستار بولدى. ارنايى ٸزدەستٸرۋ وتريادى جاقىن ماڭداعى 20 شاقىرىم جەردٸڭ بەرٸن قاراپ شىقتى. مەلٸمەتكە سەنسەك, ٸزدەستٸرۋ جۇمىستارىنا 500 سارباز, 50 ارنايى تەحنيكا, تٸكۇشاق, درون, 10 توپ تارتىلعان. جارىلىستى سٶندٸرۋگە العاشقىلاردىڭ بٸرٸ بولىپ جەتكەندٸكتەن باۋىرجاننىڭ دەنەسٸ كٷلگە اينالىپ كەتتٸ مە دەگەن كٷدٸك تە بار. بۇل تۇرعىدا ارنايى ماماندار كٶلەمٸ 300, تەرەڭدٸگٸ 20 مەترلٸك قويما ورنىنداعى شۇڭقىردىڭ ەر ميلليمەترٸن تەكسەرۋدە. ەر ۋىس توپىراق سٷزگٸدەن ٶتٸپ, زەرتتەلۋدە.
ادام ٷشٸن ەڭ قيىنى - بەلگٸسٸزدٸك, قوبالجۋ, ۋايىم. باۋىرجاننىڭ جاقىندارى بالامىزدى قويشىلار قۇلدىققا ۇستاپ ەكەتتٸ دەپ بٸر ۋايىمدادى, ودان كەيٸن تابىلسا 1 ملن تەڭگە سىياقى جارييالادى", - دەپ جازدى جۋرناليست گٷلميرا ەبٸقاي.
ايتا كەتەلٸك, باۋىرجان دەۋٸتباەۆتىڭ تٶرت بالاسى بار. ەيەلٸ بەسٸنشٸ بالاسىنا جٷكتٸ. ول 26 تامىزداعى جارىلىستان قازا تاپقاندار قاتارىندا دا, تٸرٸ تابىلعاندار ساناتىندا دا جوق.
