© Sputnik / ۆلاديسلاۆ ۆودنەۆ
ەلتاڭبانى اۋىستىرۋعا قاتىستى شەشٸم قابىلداۋ كوميسسيياسى قۇرىلادى. بۇل تۋرالى ٷكٸمەت وتىرىسىنان كەيٸنگٸ بريفينگتە قارجى مينيسترٸ مەدي تاكيەۆ ايتتى.
«ەلباڭبانى اۋىستىرۋعا قاتىستى مەسەلە بەلگٸلٸ بٸر كەزەڭنەن بەرٸ تالقىلانىپ كەلە جاتقانىن جاقسى بٸلەسٸزدەر. پرەزيدەنت ۇلتتىق قۇرىلتايدا اتالعان مەسەلەنٸ تالقىلاۋدى ۇسىندى. مەملەكەت باسشىسى ەگەر قوعام بۇل مەسەلەگە جاپپاي قولداۋ بٸلدٸرسە, وندا ونى ودان ارى تالقىلاۋ قاجەتتٸگٸن ايتتى. ول ٷشٸن ارناۋلى كوميسسييا قۇرىلادى. كوميسسييا اتالعان مەسەلەنٸ تىڭعىلىقتى قاراستىراتىن بولادى. ەگەر بۇل مەسەلەگە قاتىستى وڭ شەشٸم قابىلدانعان جاعدايدا, شىعىستارىنا قاتىستى قالعان جايتتار تۋىندايدى», — دەدٸ مينيستر.
وسى ورايدا مەدي تاكيەۆ ەلباڭبانى اۋىستىرۋعا قانشا قارجى جۇمسالاتىندىعىن, قانداي قارجى كٶزدەرٸنەن قارجىلاندىرىلاتىندىعىن ايتپادى.
«الدىمەن بٸرٸنشٸ مەسەلەنٸ شەشٸپ الايىق, ودان كەيٸن ەكٸنشٸسٸن قاراستىرامىز», — دەدٸ ول.
پرەزيدەنت ۇلتتىق قۇرىلتايدىڭ ٷشٸنشٸ وتىرىسىنداعى سٶزٸندە ۇلتتىق بٸرەگەيلٸگٸمٸزدٸڭ مەملەكەتتٸك رەمٸزدەردە ايقىن كٶرٸنٸس تاپقانىن اتاپ ٶتكەن ەدٸ.
«ەلتاڭبامىزعا قاتىستى سىني پٸكٸرلەر ايتىلىپ قالادى. ونى كەڭەس زامانىنداعى گەربكە ۇقساتىپ جاتادى. تىم ەكلەكتيكالىق, كٷردەلٸ دەيدٸ. مۇنداي ويدى ەل ٸسٸنە بەي-جاي قارامايتىن بەلسەندٸ ازاماتتار عانا ەمەس, ماماندار دا ايتىپ جٷر. ورىندى پايىمدار ەسكەرۋسٸز قالماۋى كەرەك. ورتاق كەلٸسٸمگە كەلگەن جاعدايدا ارناۋلى كوميسسييا قۇرۋعا بولادى. بۇل كوميسسييا مەسەلەنٸ جان-جاقتى قاراستىرىپ, قوعامدىق تالقىلاۋ ٶتكٸزەدٸ. سوسىن قازاقستاننىڭ جاڭا ەلتاڭباسىنىڭ جوباسىن جاساۋعا اشىق بايقاۋ جارييالانادى», — دەگەن بولاتىن قاسىم-جومارت توقاەۆ.
