سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ مىسىردا جۇمباق جاعدايدا قازا بولعان قازاقستان ەلشٸلٸگٸ قىزمەتكەرٸنٸڭ ٶلٸمٸنە قاتىستى تٷسٸنٸكتەمە بەردٸ, - دەپ حابارلايدى Sputnik قازاقستان.
ونىڭ ايتۋىنشا, 2019 جىلدىڭ 13 جەلتوقسانىندا كٷندٸزگٸ ساعات 11:15-تە قازاقستاننىڭ مىسىرداعى ەلشٸلٸگٸنٸڭ ەكٸنشٸ حاتشىسى ەلامان جولداسوۆتىڭ جۇبايى ٷيٸنٸڭ كٸرەبەرٸسٸنەن كٷيەۋٸنٸڭ مەيٸتٸن تاپقان.
"ول بٸرٸنشٸ كەزەكتە ەلشٸلٸككە حابارلاستى. بٸزدٸڭ ديپلوماتتار 5-7 مينۋت ٸشٸندە وقيعا ورنىنا جەتٸپ, تيٸستٸ شەشٸمدٸ قابىلدادى. سونداي-اق وقيعا ورنىنا پوليتسييا, جەدەل جەردەم, پروكۋراتۋرا مەن كريمينالدى پوليتسييانىڭ تەرگەۋ توپتارى شاقىرىلدى", - دەدٸ ول سىرتقى ٸستەر مينيسترلٸگٸندە ٶتكەن بريفينگتە.
سونىمەن قاتار ايبەك سماديياروۆ 15 جەلتوقساندا قازاقستاننىڭ سىرتقى ٸستەر مينيسترلٸگٸنٸڭ ٶكٸلدەرٸ قىزمەتتٸك تەكسەرٸس جٷرگٸزۋ ٷشٸن كايرگە جٸبەرٸلگەنٸن اتاپ ٶتتٸ.
"قازٸرگٸ ۋاقىتتا مىسىر پروكۋراتۋراسى بۇل ٸسكە قاتىستى تەرگەۋ جٷرگٸزٸپ جاتىر. تەرگەۋ شەڭبەرٸندە قىزمەتكەردٸڭ مەيٸتٸنە سوت-مەديتسينالىق ساراپتاما جاسالدى. ونىڭ نەتيجەسٸ جاقىن ارادا قازاقستانعا بەرٸلەدٸ. سونداي-اق سىرتقى ٸستەر مينيسترلٸگٸ ديپلوماتتىڭ دەنەسٸ قازاقستانعا جەتكٸزٸلگەننەن كەيٸن قوسىمشا سوت-مەديتسينالىق ساراپتا جٷرگٸزٸلەدٸ", - دەدٸ رەسمي ٶكٸل.
ول قايعىلى جاعداي سىرتقى ٸستەر مينيسترلٸگٸنٸڭ ۇجىمىنا اۋىر تيگەنٸن اتاپ ٶتتٸ.
ايتا كەتەيٸك, وسىعان دەيٸن قازاقستاننىڭ مىسىرداعى ەلشٸلٸگٸنٸڭ قىزمەتكەرٸ ەلامان جولداسوۆتىڭ جۇمباق جاعدايدا قازا تاپقانى تۋرالى مەلٸمەت تاراعان بولاتىن."ەلامان ٶتە پاراساتتى جەنە جاۋاپتى ادام بولدى, ٶز ٸسٸنٸڭ جەنە اراب تٸلٸنٸڭ جاقسى مامانى ەدٸ. ول مىسىردىڭ بۇقارالىق اقپارات قۇرالدارىنا جيٸ سۇحبات بەرٸپ, تەلەديداردان سٶز سٶيلەپ جٷردٸ. سىرتقى ٸستەر مينيسترلٸگٸ جٷيەسٸندە 2013 جىلدان باستاپ جۇمىس ٸستەدٸ. 2017 جىلدىڭ مامىر ايىنان قازاقستاننىڭ مىسىرداعى ەلشٸلٸگٸنٸڭ مەدەني-گۋمانيتارلىق مەسەلەلەر جٶنٸندەگٸ ەكٸنشٸ حاتشىسى قىزمەتٸن اتقاردى. باسشىلىق پەن ەرٸپتەستەرٸ اراسىندا جوعارى بەدەلگە يە بولعان", - دەپ تٷيٸندەدٸ سٶزٸن ايبەك سماديياروۆ.
