مەملەكەت باسشىسى قاسىم-جومارت توقاەۆ اقمولا وبلىسىن دامىتۋ مەسەلەلەرٸ جٶنٸندەگٸ كەڭەستە بٸرقاتار مەسەلەلە كٶتەردٸ, دەپ حابارلايدى "ۇلت اقپارات" پرەزيدەنتتٸك باسپاسٶز حاتشىسى بەرٸك ۋەليدٸڭ Facebook پاراقشاسىنا سٸلتەمە جاساپ.
«بٷگٸن ٶزدەرٸڭٸزبەن كٶكشە تٶرٸندە جٷزدەسٸپ وتىرمىز. ارقانىڭ ايرىقشا سۇلۋ ايماعى – بٷكٸل ەلٸمٸزدٸڭ مەرەيٸ ەرٸ ماقتانىشى. بۇل – تاريحى تەرەڭ, تابيعاتى عاجايىپ كيەلٸ ٶلكە. تۇعىرى بيٸك تۇلعالار شىققان قاستەرلٸ ٶڭٸر. ەلوردانى اينالا قورشاپ جاتقان اقمولانىڭ ستراتەگييالىق ماڭىزى جوعارى. وسى جەردٸڭ تۇرعىندارى ەل ەكونوميكاسىن ٶركەندەتۋگە ەلەۋلٸ ٷلەس قوسىپ كەلەدٸ», - دەپ اتاپ ٶتتٸ جيىندا مەملەكەت باسشىسى.
قاسىم-جومارت توقاەۆ وبلىستىڭ بٷگٸنگٸ تىنىس-تٸرشٸلٸگٸمەن قاتار, دامۋ كەلەشەگٸ – ەلٸمٸز ٷشٸن ٶتە ماڭىزدى مٸندەتتەر قاتارىندا ەكەنٸن تٸلگە تيەك ەتتٸ.
«مەن جولداۋدا ايتىپ ٶتتٸم: ەكونوميكالىق ٶسٸمدٸ جەنە تىڭ ٶزگەرٸستەردٸ ەلٸمٸزدٸڭ ەربٸر تۇرعىنى سەزٸنۋٸ قاجەت. بٸز حالىقتىڭ ەل-اۋقاتىن ارتتىرۋدى ەردايىم باستى نازاردا ۇستاۋىمىز كەرەك. ٶڭٸردە تۇراتىن ازاماتتارىمىزدىڭ تۇرمىس ساپاسى جوعارى ستاندارتتارعا ساي بولۋى تيٸس. بۇل, ەڭ الدىمەن, جەرگٸلٸكتٸ حالىق تۇرعىن-ٷي, ەلەۋمەتتٸك قولداۋ, ينفراقۇرىلىم سيياقتى يگٸلٸكتەردٸ كٶرۋٸ تيٸس دەگەن سٶز. سول سەبەپتٸ بارلىق دەڭگەيدەگٸ ەكٸمدەر جۇمىستى جاڭا تالاپقا ساي, تيٸمدٸ ۇيىمداستىرۋى قاجەت. وسىعان وراي, بٷگٸنگٸ جيىندا اقمولا وبلىسىن دامىتۋ مەسەلەلەرٸن قاراستىرامىز», - دەدٸ پرەزيدەنت.
