ەلوردادا «Nur Otan» پارتيياسىنىڭ پارتيياٸشٸلٸك پرايمەريزٸنە قاتىسۋشىلار اراسىندا كەزەكتٸ پٸكٸرسايىس ٶتتٸ. ولار دەبات بارىسىندا ٶزدەرٸنٸڭ سايلاۋالدى باعدارلامالارى تۋرالى ايتىپ, تٸكەلەي ەفيردە قويىلعان بٸرقاتار سۇراقتارعا جاۋاپ بەردٸ. ٷمٸتكەرلەر سونداي-اق ەلوردانى دامىتۋدىڭ ناقتى شارالارىن ۇسىندى.
دەباتتى «Nur Otan» پارتيياسى استانالىق فيليالىنىڭ تٶراعاسى, نۇر-سۇلتان قالاسىنىڭ ەكٸمٸ التاي كٶلگٸنوۆ كٸرٸسپە سٶزٸمەن اشتى. ول ٶز كەزەگٸندە ەسٸل ايماعىندا پرايمەريزگە 167 ادام قاتىسىپ جاتقانىن جەنە ولاردىڭ 43 پايىزى جاستاردىڭ مٷددەسٸن قورعايتىنىن ايتتى.
– نۇر-سۇلتان قالاسىندا پارتييا مٷشەلەرٸ ٶزدەرٸن بەلسەندٸ تٷردە كٶرسەتٸپ جاتىر. 51 مىڭ پارتييا مٷشەسٸنٸڭ 4,3 مىڭى پرايمەريزگە قاتىسۋعا ٶتٸنٸش بٸلدٸردٸ, بۇل ەلدەگٸ ەڭ كٶپ ٶتٸنٸش, – دەدٸ ەكٸم.
پٸكٸرسايىستار بارىسىندا ەلوردا تۇرعىندارىن تولعاندىراتىن ٶزەكتٸ مەسەلەلەر كٶتەرٸلدٸ. اتاپ ايتقاندا, بٸلٸم بەرۋ سالاسىن دامىتۋ, قازاق تٸلٸنٸڭ مەرتەبەسٸن كٶتەرۋ, قوعامدىق قاۋٸپسٸزدٸك مەسەلەلەرٸ, سىبايلاس جەمقورلىققا قارسى ٸس-قيمىل جەنە تاعى دا باسقا ٶزەكتٸ مەسەلەلەر تٸلگە تيەك ەتٸلدٸ.
پٸكٸرسايىسقا قاتىسۋشىلاردىڭ بٸرٸ بٸلٸم بەرۋ ٷردٸسٸندەگٸ بارلىق جاقسارتۋلار مۇعالٸمدەردٸ قولداۋ ارقىلى جٷزەگە اساتىنىن, مەديتسينا سالاسىن جاقسارتۋ ٷشٸن دەرٸگەرلەردٸ ەلەۋمەتتٸك قولداۋ كەرەك ەكەنٸن, اتالمىش مامانداردىڭ جالاقىلارىن كٶتەرۋدٸڭ ماڭىزدىلىعىن, سونداي-اق, ولاردى تۇرعىن ٷيمەن قامتاماسىز ەتۋ كەرەك ەكەنٸن اتاپ ٶتتٸ.
كەلەسٸ بٸر قاتىسۋشى قوعامدىق باستامالار پورتالىن قۇرۋدىڭ ماڭىزدى ەكەنٸن سٶز ەتتٸ. ول سونىمەن قاتار ەكٸمشٸلٸك جەنە ساياسي مەملەكەتتٸك قىزمەتشٸلەرگە قويىلاتىن بٸلٸكتٸلٸك تالاپتارىن كٶتەرۋدٸ, سونداي-اق جەكە سەكتوردىڭ بٸلٸكتٸ ٶكٸلدەرٸ تارتىلۋى ٷشٸن مەملەكەتتٸك قىزمەتكەرلەردٸڭ جالاقىسى جوعارى بولۋى كەرەك ەكەنٸن جەتكٸزدٸ.
ٶزەكتٸ مەسەلەلەردٸڭ بٸرٸن پرايمەريزگە قاتىسۋشى سالتانات قاپەسوۆا ايتتى. ول جاس ۇرپاقتى دەستٷرلٸ قۇندىلىقتار نەگٸزٸندە تەربيەلەۋدٸڭ ارتىقشىلىقتارى تۋرالى باياندادى.
– بٸزدٸڭ بالالارىمىز قازٸر قاتىگەزدٸك جيٸ كٶرسەتٸلەتٸن اشىق اقپاراتتىق ورتادا ٶمٸر سٷرٸپ كەلەدٸ. نەتيجەسٸندە, بۇل بالانىڭ جەكە دامۋىنا دا, جالپى قوعامعا دا ەسەرٸن ەتەدٸ. سوندىقتان, تۇجىرىمدامانى ەزٸرلەۋ, بارلىق ايماقتارداعى ەركٸن ٷيٸرمەلەر مەن سەكتسييالار سانىن كٶبەيتۋ, بالالاردىڭ رۋحاني-ادامگەرشٸلٸك تەربيەسٸنە باعىتتالعان انيماتسييالىق باعدارلامالار مەن كٶركەم باعدارلامالار ٶندٸرٸسٸن ۇلعايتۋ ماڭىزدى دەپ سانايمىن. جوو مەن مەكتەپتەردە مەديا بٸلٸم بەرۋ ساباقتارىن ەنگٸزۋ ماڭىزدى, – دەدٸ سالتانات قاپەسوۆا.
پٸكٸرسايىسقا قاتىسۋشىلار باسقوسۋ كەزٸندە ەكولوگييالىق باستامالار ٷشٸن جاستار ورتالىقتارىن قۇرۋدىڭ, شىعارماشىلىق ماماندىقتارىنداعى ادامداردىڭ مەرتەبەسٸن كٶتەرۋدٸڭ ماڭىزدىلىعىن جان-جاقتى تالقىلادى.
