نۇر-سۇلتان قالاسىنىڭ سوتى جۋرناليست يرينا بەكەتوۆانى ٶلتٸرگەن قىلمىسكەردٸ 11 جىلعا باس بوستاندىعىنان ايىرۋعا ٷكٸم شىعاردى, دەپ حابارلايدى "ۇلت اقپارات".
«2019 جىلدىڭ 23 سەۋٸرٸندەگٸ سوت ٷكٸمٸمەن ا.م. گۋسەينوۆ قر قك 106-بابى, 3-بٶلٸگٸ بويىنشا ورتاشا قاۋٸپسٸز قاج مەكەمەسٸندە 11 جىل جازاسىن ٶتەيدٸ. جازا قىلمىس ايىبىن اۋىرلاتاتىن مەن-جايلاردى ەسكەرە وتىرىپ ۇيعارىلدى. وقيعا بولعان كٷنٸ قىلمىسكەر الكوگولدٸ ٸشٸمدٸككە ماس بولعان», - دەپ حابارلادى قالالىق سوتتىڭ باسپاسٶز قىزمەتٸ.
سوت شەشٸمٸمەن ايىپتالۋشىدان زارداپ شەككەن تاراپقا 6 ميلليون تەڭگە مورالدىق ٶتەماقى ٶندٸرٸلەدٸ. ونىڭ 4 ميلليون تەڭگەسٸ ي. د. بەكەتوۆانىڭ كەمەلەتتٸك جاسقا تولماعان بالالارىنا بەرٸلەدٸ.
ەسكە سالا كەتەيٸك, 37 جاستاعى تٸلشٸ يرينا بەكەتوۆا قىركٷيەك ايىندا مەرت بولدى. قۇقىق قورعاۋشىلار ونىڭ ازاماتتىق نەكەدەگٸ كٷيەۋٸ 34 جاستاعى اناتوليي گۋسەينوۆ كٷدٸكتٸ رەتٸندە تانىدى. ولاردىڭ نەكەسٸنەن ەكٸ بالا دٷنيەگە كەلگەن.
ٸٸم-نٸڭ مەلٸمەتٸنشە, ا.گۋسەينوۆ جۋرناليست كەلٸنشەكتٸ ٷيدٸڭ كٸرەبەرٸسٸندە ٶزگە ەر اداممەن تۇرعانىن كٶرگەن. بەكەتوۆا مەن گۋسەينوۆ اراسىندا ۇرىس-كەرٸس باستالعان. كەلٸنشەكتٸڭ تانىسى ول جەردەن كەتٸپ بارا جاتىپ, ەيەل سوققىعا جىعىلىپ جاتقانىن ەستٸگەن. «قايتا اينالىپ, جوعارى كٶتەرٸلگەندە ەس-تٷسسٸز جاتقان ەيەلدٸ كٶرٸپ, جەدەل جەردەم شاقىرعان. بۇل ۋاقىتتا گۋسەينوۆ قاشىپ كەتكەن», - دەدٸ ٸٸم رەسمي ٶكٸلٸ.
كٶز جۇمعان يرينا بەكەتوۆانىڭ سوڭىندا ٷش ۇلى مەن بٸر قىزى قالدى.
