استانادا پوليتسەيلەر گاشيش مايىن زاڭسىز ساقتاپ, تاراتۋمەن اينالىسقان ەكٸ ەر ادامنىڭ ەرەكەتٸنە توسقاۋىل قويدى. كٷدٸكتٸلەردەن 1,5 كەلٸدەن استام ەسٸرتكٸ تەركٸلەندٸ, دەپ حابارلايدى ult.kz.
تەرگەۋ مەلٸمەتٸنشە, 24 جەنە 23 جاستاعى ەلوردا تۇرعىندارى بٸر تۇرعىن ٷيدٸڭ ەرتٷرلٸ قاباتتارىنان پەتەر جالداپ, ولاردى ەسٸرتكٸ زاتتارىن ساقتاپ, تاراتۋ ورنى رەتٸندە پايدالانعان.
كٷدٸكتٸلەر گاشيش مايىن ينتەرنەت-مەسسەندجەرلەر ارقىلى ساتىپ, ەسٸرتكٸنٸ ارنايى جاسىرىن ورىندارعا قالدىرىپ وتىرعان.
تٸنتۋ بارىسىندا پەتەرلەردەن سارى تٷستٸ سۇيىقتىق قۇيىلعان پلاستيك قۇتىلار, ەلەكتروندى تارازىلار, وراۋعا ارنالعان ماتەريالدار جەنە قۇرامىندا ەسٸرتكٸ زاتى بار ىدىستار تەركٸلەندٸ. ساراپتاما ولاردىڭ گاشيش مايى ەكەنٸن راستادى.
سونىمەن قاتار پەتەرلەردٸڭ بٸرٸنٸڭ اس ٷيٸنەن ەسٸرتكٸ قالدىقتارى بار مانتوۆاركا تابىلدى. پوليتسەيلەردٸڭ مەلٸمەتٸنشە, كٷدٸكتٸلەر گاشيش مايىن ساتۋعا ىڭعايلى ەتۋ ٷشٸن ونى وسى ىدىستا ەرٸتٸپ, كەيٸن قاپتاعان.
جالپى جٷرگٸزٸلگەن تٸنتۋ بارىسىندا 1,5 كەلٸدەن استام گاشيش مايى مەن ماريحۋانا تەركٸلەندٸ.
اتالعان دەرەك بويىنشا قىلمىستىق ٸس قوزعالدى. كٷدٸكتٸلەر ۇستالىپ, ۋاقىتشا ۇستاۋ يزولياتورىنا قامالدى.
پوليتسييا ەسٸرتكٸ زاتتارىن زاڭسىز ساقتاۋ, دايىنداۋ جەنە تاراتۋ ەرەكەتتەرٸ ٷشٸن قىلمىستىق جاۋاپكەرشٸلٸك كٶزدەلگەنٸن ەسكە سالدى.
