كارانتين جەنە تٶتەنشە جاعداي كەزٸندە ەلوردادا «سەرگەك» جٷيەسٸ كٷشەيتٸلگەن رەجيمدە جۇمىس ٸستەپ جاتىر, دەپ حابارلايدى "ۇلت اقپارات" ەلوردا ەكٸمدٸگٸنە سٸلتەمە جاساپ.
تەكسەرۋ جٷرگٸزۋشٸلەرگە قاتىستى جاسالادى. «سەرگەك-پاترۋل» بازاسىنا اۆتوكٶلٸك توقتاعان كەزدە پوليتسەيلەر جٷرگٸزۋشٸ مەن كٶلٸكتٸڭ دەرەكتەرٸن: جسن, كٶلٸكتٸڭ مەملەكەتتٸك نٶمٸرٸ جەنە جٷرگٸزۋشٸنٸڭ ناقتى تۇرعىلىقتى جەرٸ مەن جۇمىس ورنىن ەنگٸزەدٸ. نەگٸزسٸز قالادا جٷرگەن. تەرتٸپ بۇزۋشىلار العاشىندا ەسكەرتۋ الادى. ەكٸنشٸ مەرتە تەرتٸپ بۇزعان جاعدايدا نۇر-سۇلتان قالاسىنىڭ مامانداندىرىلعان اۋدانارالىق ەكٸمشٸلٸك سوتىنىڭ شەشٸمٸنە سەيكەس 10 اەك ايىپپۇلدان 15 تەۋلٸككە دەيٸن ەكٸمشٸلٸك قاماۋعا الىنۋى مٷمكٸن.
«قايتا تەكسەرۋ كەزٸندە, ەگەر اقپاراتتىق بازانىڭ مەلٸمەتتەرٸنە سەيكەس, ازىق-تٷلٸك پەن دەرٸ-دەرمەكتەر الۋدان باسقا ماقساتتا, مارشرۋتتى نەگٸزسٸز بۇزعانى انىقتالسا, جٷرگٸزۋشٸ قر ەقبك 476-بابى («تٶتەنشە جاعداي رەجيمٸن بۇزۋ») بويىنشا ەكٸمشٸلٸك جاۋاپكەرشٸلٸككە تارتىلادى», –دەلٸنگەن حابارلامادا. قازٸرگٸ ۋاقىتتا بازادا تج كەزٸندەگٸ قۇقىق بۇزۋشىلىقتار ەسەپتەلٸپ جاتىر. كٷن سايىن «جۇمىس – ٷي» قاعيداتى بويىنشا اۆتوكٶلٸك جٷرگٸزۋشٸلەرٸنٸڭ دەرەكتەرٸ ەنگٸزٸلەدٸ. تج رەجيمٸ مەن كارانتين تەرتٸبٸن بۇزعانى ٷشٸن ايىپپۇلدار بٷگٸنگٸ كٷنٸ ٶزەكتٸ.
نۇر-سۇلتان قالاسىندا بارلىعى 13 000 «سەرگەك» كامەراسى بار. ول كٷنٸنە 12 ملن-نان استام وقيعانى ٶڭدەۋگە مٷمكٸندٸك بەرەدٸ.
