Karantin jáne tótenshe jaǵdai kezinde elordada «Sergek» júiesi kúsheitilgen rejimde jumys istep jatyr, dep habarlaidy "Ult aqparat" elorda ákimdigine silteme jasap.
Tekserý júrgizýshilerge qatysty jasalady. «Sergek-patrýl» bazasyna avtokólik toqtaǵan kezde politseiler júrgizýshi men kóliktiń derekterin: JSN, kóliktiń memlekettik nómiri jáne júrgizýshiniń naqty turǵylyqty jeri men jumys ornyn engizedi. Negizsiz qalada júrgen. tártip buzýshylar alǵashynda eskertý alady. Ekinshi márte tártip buzǵan jaǵdaida Nur-sultan qalasynyń mamandandyrylǵan aýdanaralyq ákimshilik sotynyń sheshimine sáikes 10 AEK aiyppuldan 15 táýlikke deiin ákimshilik qamaýǵa alynýy múmkin.
«Qaita tekserý kezinde, eger aqparattyq bazanyń málimetterine sáikes, azyq-túlik pen dári-dármekter alýdan basqa maqsatta, marshrýtty negizsiz buzǵany anyqtalsa, júrgizýshi QR ÁQBK 476-baby («Tótenshe jaǵdai rejimin buzý») boiynsha ákimshilik jaýapkershilikke tartylady», –delingen habarlamada. Qazirgi ýaqytta bazada TJ kezindegi quqyq buzýshylyqtar eseptelip jatyr. Kún saiyn «jumys – úi» qaǵidaty boiynsha avtokólik júrgizýshileriniń derekteri engiziledi. TJ rejimi men karantin tártibin buzǵany úshin aiyppuldar búgingi kúni ózekti.
Nur-Sultan qalasynda barlyǵy 13 000 «Sergek» kamerasy bar. Ol kúnine 12 mln-nan astam oqiǵany óńdeýge múmkindik beredi.
