فوتو: قازاقكونتسەرت باسپاسٶز قىزمەتٸ
روزا باعلانوۆا اتىنداعى «قازاقكونتسەرت» مەملەكەتتٸك اكادەمييالىق كونتسەرتتٸك ۇيىمىندا قازاقستان رەسپۋبليكاسى كونستيتۋتسيياسىنىڭ 30 جىلدىعىنا ارنالعان اقىن-سازگەر, مەدەنيەت سالاسىنىڭ ٷزدٸگٸ, رەسپۋبليكالىق پاتريوتتىق ەندەر بايقاۋلارىنىڭ بٸرنەشە مەرتە جٷلدەگەرٸ ەرقوجا تٸلەپبەرديەۆتٸڭ «رۋح قاناتىندا» اتتى شىعارماشىلىق كەشٸ ٶتتٸ.
ٸس-شارانىڭ ماقساتى – اتا زاڭىمىزدىڭ 30 جىلدىعىن اتاپ ٶتۋ, ونىڭ ماڭىزدىلىعىن ناسيحاتتاۋ, ازاماتتاردى مەملەكەتكە ادال قىزمەت ەتۋگە شاقىرۋ, بٸرلٸككە, ىنتىماققا جەنە وتانسٷيگٸشتٸككە ٷندەۋ.
كونتسەرتتٸك باعدارلامادا اۆتوردىڭ كٶپشٸلٸككە بەيمەلٸم, ەسكەري-پاتريوتتىق, كلاسسيكالىق, ليريكالىق جەنە ەسترادالىق ەندەرٸ شىرقالدى. سونداي-اق, ەرقوجا تٸلەپبەرديەۆتٸڭ ٶلەڭدەرٸنە ەن جازعان كومپوزيتورلار مەن ونىڭ ەۋەندەرٸنە سٶز جازعان اقىنداردىڭ تانىمال تۋىندىلارى ورىندالدى. كەش بارىسىندا «ەسكەري كەرنەي», «جۇماق مەكەن», «جالعىز سەت», «رايىمبەك باتىر», «قازاقستانىم – وتانىم مەنٸڭ», «وفيتسەر مىرزالار», «ەلدٸڭ قورعانى», «ابىلاي حان» جەنە ت.ب. ەندەر كٶرەرمەن نازارىنا ۇسىنىلدى.
ايتا كەتەرلٸگٸ, بۇل كەشتە العاش رەت «قازاقكونتسەرت» ەرتٸستەرٸ مەن قر قارۋلى كٷشتەرٸ قۇرامىنداعى ٶنەرپازدار بٸرلەسٸپ ٶنەر كٶرسەتەدٸ.
فوتو: قازاقكونتسەرت باسپاسٶز قىزمەتٸ
ٸس-شارادا قازاقستاننىڭ ەڭبەك سٸڭٸرگەن قايراتكەرلەرٸ قۇرماش ماحان, كلارا تٶلەنباەۆا, نۇربولات ارزاماس, «دارىن» مەملەكەتتٸك جاستار سىيلىعىنىڭ لاۋرەاتى ەلٸبەك الماديەۆ, «قۇرمەت» وردەنٸنٸڭ يەگەرٸ ايزادا كاپونوۆا, رەسپۋبليكالىق جەنە حالىقارالىق بايقاۋلاردىڭ لاۋرەاتتارى ايبەك ەبدٸاشيموۆ, بٸرجان ايتاحمەت, ايدوس سانييازبەك, يبراھيم امين, سونداي-اق, «استانا سازى» مەملەكەتتٸك فولكلورلىق انسامبلٸ, «گٷلدەر» جەنە «بٸرلٸك» انسامبلدەرٸ, «Astana Musical» مەملەكەتتٸك ميۋزيكل تەاترى, «حالىق قازىناسى» ۇلتتىق ٶنەر ورتالىعىنىڭ ەرتٸستەرٸ مەن مەدەنيەت مايتالماندارى ٶنەر كٶرسەتتٸ.
سونىمەن قاتار كەشكە قر قورعانىس مينيسترلٸگٸنٸڭ قر قارۋلى كٷشتەرٸنٸڭ ۇلتتىق ەسكەري-پاتريوتتىق ورتالىعى, قر ۇلتتىق ۇلانىنىڭ ەن-بي انسامبلٸنٸڭ سوليستەرٸ, «ەرلەر» حورى جەنە ەسكەري وركەسترٸ, قر مەملەكەتتٸك كٷزەت قىزمەتٸ وركەسترٸ, قر ۇقك شەكاراشىلار قىزمەتٸ ەن-بي انسامبلٸنٸڭ جەنە ۇلتتىق دەلفيي ويىندارىنىڭ جەڭٸمپازدارى قاتىستى.
ەرقوجا ەلعوجاۇلى تٸلەپبەرديەۆ - 1960 جىلى الماتى وبلىسىندا دٷنيەگە كەلگەن. ول الەكساندر بوروديننٸڭ «پولوۆەتسكيە پلياسكي» وپەراسىنان ٷزٸندٸ, الەكسەي موزگوۆوي, شۆەد RnB ورىنداۋشىسى, كومپوزيتور ماحەر زەيننٸڭ جەنە ت.ب. شەتەل كومپوزيتورلارىنىڭ شىعارمالارىن قازاقشاعا اۋدارعان. سونداي-اق, 5-شٸ دٷنيەجٷزٸلٸك كٶشپەندٸلەر ويىنىندا ورىندالعان «بٸز بٸرگەمٸز!», كومپوزيتور س. ەركٸمبەكوۆتىڭ روزا باعلانوۆانىڭ 100 جىلدىق مەرەيتويىنا وراي ارناپ جازعان «دالا قىزى», ۇلى وتان سوعىسىنىڭ 80-جىلدىعىنا ارنالعان «قارۋلى كٷشتەر», «ارداگەرلەر» اتتى ەندەردٸڭ مەتٸنٸن جەنە «قاۋٸپسٸزدٸك قورعانى», «ەسكەري كەرنەي» ەندەرٸن جازعان. بۇعان قوسا, قاليبەك قۋانىشباەۆ اتىنداعى قازاق ۇلتتىق مۋزىكالىق-دراما تەاترىنىڭ «دون كيحوت» قويىلىمىندا «بەسٸك جىرى» ەنٸ ورىندالىپ كەلەدٸ.
ە. تٸلەپبەرديەۆ «تالقاينارىم تامىرىم», «تابىندىرعان تەڭٸرتاۋ», «دٶڭگەلەنگەن دٷنيە», «اققۋلار ەۋەنٸ», «انا شۋاعى», «جٷرەك ٷنٸ», «باقىتىم بايتاق دالام», «بالالىق شاق باقىتىم», «مەنٸڭ ەنٸم – مۇقاعالي», «مەنٸڭ رۋحىم – رايىمبەك» جەنە ت.ب. پارتيتۋرالار مەن جىر جيناقتاردىڭ اۆتورى.
