جالپى سانى 1 819 ادام كارانتينگە الىنعان, دەپ حابارلايدى ەلوردا ەكٸمدٸگٸنٸڭ رەسمي سايتى. سوڭعى ەكٸ كٷندە نۇر-سۇلتاندا كوروناۆيرۋس ينفەكتسيياسىنىڭ 34 جاڭا جاعدايى تٸركەلدٸ. بۇل تۋرالى نۇر-سۇلتان قالالىق دەنساۋلىق ساقتاۋ باسقارماسىنىڭ باسشىسى سەۋلە قيسىقوۆا مەلٸمدەدٸ.
«15 سەۋٸردە 5,3% ٶسٸممەن 15 جاعداي, 16 سەۋٸردە 6,4% ٶسٸممەن 19 جاعداي. تٶرت جاعداي پنەۆمونييا كٷدٸگٸمەن بٸرنەشە كٷننەن بەرٸ ستاتسيوناردا بولعان ناۋقاستار. دياگنوستيكادان كەيٸن كوروناۆيرۋستىق ينفەكتسييا انىقتالدى. بٸر جاعداي كۆي بولۋىنا ەكسپرەسس-تەستٸلەۋگە مونيتورينگ ارقىلى. ول ناۋقاس ەرٸ قاراي تەكسەرۋ ٷشٸن پروۆيزورلىق ستاتسيونارعا جاتقىزىلىپ, كوروناۆيرۋس راستالدى. 11 جاعداي – ناۋقاستاردىڭ جاقىن بايلانىستارى, – وتباسى مٷشەلەرٸ, ەرٸپتەستەر. بۇعان دەيٸن ولار وقشاۋلانىپ, تەكسەرٸلٸپ, ينفەكتسييانىڭ راستالۋىنا بايلانىستى اۋرۋحاناعا جاتقىزىلدى», – دەدٸ سەۋلە قيسىقوۆا ونلاين-بريفينگ كەزٸندە.
سونىمەن قاتار كوروناۆيرۋس جۇقتىرۋدىڭ 18 وقيعاسى «شاراپات» ەلەۋمەتتٸك قىزمەت كٶرسەتۋ ورتالىعىنان انىقتالدى.
«نۇر-سۇلتان قالاسىنىڭ باس مەملەكەتتٸك سانيتارلىق دەرٸگەرٸنٸڭ قاۋلىسىنا سەيكەس, مەديتسينالىق-ەلەۋمەتتٸك مەكەمەلەردٸڭ قىزمەتكەرلەرٸ مەن قاراۋىنداعىلارعا تەكسەرۋ جٷرگٸزٸلۋدە. «شاراپات» ورتالىعىندا 380 ادام, ونىڭ ٸشٸندە 306 ادام جەنە 74 قىزمەتكەر تەكسەرۋدەن ٶتتٸ. نەتيجەسٸندە كوروناۆيرۋس جۇقتىرۋدىڭ 18 وقيعاسى انىقتالدى», – دەدٸ سەۋلە قيسىقوۆا.
قازٸرگٸ ۋاقىتتا كۆي بار ناۋقاستار ٸشٸنەن 10 جاعدايى تۇراقتى اۋىر, 3 ناۋقاس ٶكپەنٸ جاساندى جەلدەتۋ قۇرىلعىسىندا. ولاردىڭ ەكەۋٸ رەسپۋبليكالىق قارقىندى تەراپييا جەنە ەكستراكورپورالدىق مەمبرانالىق وكسيگەناتسييا ورتالىعىندا ەم الادى. ەم شارالارى كۆي دياگنوستيكاسى مەن ەمدەۋدٸڭ كلينيكالىق حاتتاماسىنا سەيكەس جٷرگٸزٸلەدٸ. قالعان ەمدەلۋشٸلەردە جاعدايى قاناعاتتانارلىق. ەمدەۋ شارالارى جالعاسۋدا. كارانتيندە بارلىعى 1819 ادام بار.
2020 جىلدىڭ 9-16 سەۋٸرٸ ارالىعىندا 8 716 ادامعا جەدەل تەستٸلەۋ ٶتكٸزٸلدٸ. ونىڭ ٸشٸندە وڭ نەتيجەمەن 106 (1,3%) جاعداي انىقتالىپ, قوسىمشا تەكسەرۋ ٷشٸن پروۆيزورلىق ستاتسيونارلارعا (پتر) جاتقىزىلدى. ولاردىڭ اراسىنان 70 ادام تەرٸس نەتيجەمەن شىعارىلدى. سونىمەن قاتار 692 مەديتسينا قىزمەتكەرٸ قوناق ٷي كەشەندەرٸندە ورنالاسقان. ونىڭ ٸشٸندە «حيلتون» – 305 ادام; «ديپلومات» – 46 ادام; «دۋمان» – 341 ادام.
