كەشە ەلوردادا 8-قاباتتاعى تەرەزەدەن سالبىراپ تۇرعان بالانى قۇتقارۋعا قاتىسقان ساعي جىلقىشيەۆكە 2 بٶلمەلٸ پەتەردٸڭ سەرتيفيكاتى تابىس ەتٸلدٸ, دەپ حابارلايدى قازاقپارات.
«پەتەردٸڭ سەرتيفيكاتىن الدىم. ٷي ەلٸ بٸتپەگەن. سول ٷشٸن بٷگٸن سەرتيفيكات تاپسىردى. پەتەردٸ اللا قالاسا الامىز», - دەپ قۋانىشىمەن بٶلٸستٸ ساعي جىلقىشيەۆ.
GBG قۇرىلىس كومپانيياسىنىڭ كومفورت+ ساناتتاعى تۇرعىن ٷيٸنٸڭ قۇرىلىسى كەلەسٸ جىلى اياقتالادى. تۇرعىن ٷي قۇرىلىسىنا مەملەكەتتٸڭ كەپٸلدٸگٸ بار.
ايتا كەتەيٸك, كەشە تاڭەرتەڭ ەلوردادا ۋاقىتشا تۇرىپ جاتقان قىزىلوردا تۇرعىنى 8-قاباتتا تەرەزەدەن سالبىراپ تۇرعان بٷلدٸرشٸندٸ قۇتقارىپ قالدى. بۇل وقيعانىڭ ۆيدەوسى جەلٸدە كەڭ تارالىپ, سەبيت شونتاقباەۆتىڭ باتىل ەرەكەتٸنە كٶپشٸلٸك تەنتٸ بولدى. قر تٶتەنشە جاعدايلار بٸرٸنشٸ ۆيتسە-مينيسترٸ يبراگيم كٷلشٸمباەۆ ازاماتتى «تٶتەنشە جاعدايداعى ەرلٸگٸ ٷشٸن» تٶسبەلگٸسٸمەن ماراپاتتاسا, نۇر-سۇلتان ەكٸمٸ التاي كٶلگٸنوۆ جەكە قابىلداپ, ونىڭ لوكوموتيۆ زاۋىتىنا جۇمىسقا ورنالاستىرىلاتىنىن ايتتى.
ال «G-پارك» قۇرىلىس كومپانيياسى وعان ٷش بٶلمەلٸ پەتەر سىيعا تارتتى.
كەيٸننەن سەبيتكە كٸشكەنتاي قىزدى قۇتقارۋعا ساعي ەسٸمدٸ جٸگٸتتٸڭ كٶمەك كٶرسەتكەنٸ بەلگٸلٸ بولىپ, ەلەۋمەتتٸك جەلٸ قولدانۋشىلارى وعان دا پەتەر بەرۋ كەرەكتٸگٸن جازعان ەدٸ. كٶپتٸڭ قالاۋى ورىندالىپ, ەندٸ بٷگٸن ساعي دا باسپانا كٸلتٸن الىپ وتىر.
