ۇلىبريتانييا پاتشايىمى ەليزاۆەتا II جەكسەنبٸ, 5 سەۋٸردە كەشكە كوروناۆيرۋس ٸندەتٸنە بايلانىستى حالىققا ٷندەۋ جولدادى. مەلٸمدەمە ۆيندزور سارايىندا جازىلدى. ەپيدەمييا باستالعان ۋاقىتتان بەرٸ 93 جاستاعى پاتشايىم لوندوننان سول جاققا كٶشٸرٸلگەن.
پاتشايىم قازٸر مەملەكەتتٸڭ اۋىر كەزەڭدٸ باستان كەشٸرٸپ جاتقانىن ايتتى.
"كەيبٸر ادامعا قايعى ەكەلدٸ, كٶبٸ قارجىلىق قيىندىققا تاپ بولدى, كٷندەلٸكتٸ ٶمٸرٸمٸز ٷلكەن ٶزگەرٸسكە ۇشىرادى" دەدٸ.
پاتشايىم بريتان ازاماتتارىن ىنتىماق, بٸرلٸككە شاقىرىپ, حالىقتىڭ سىناقتان امان-ەسەن ٶتەتٸنٸنە ٷمٸتتەنەتٸنٸن جەتكٸزدٸ. ەپيدەمييا كەزٸندە زارداپ شەككەندەرگە كٶمەكتەسٸپ جاتقان دەرٸگەرلەرگە العىس ايتتى.
68 جىلعا جۋىق ۋاقىت ٸشٸندە پاتشايىم بەسٸنشٸ رەت ٷندەۋ جولداپ وتىر. سوڭعى رەت 2012 جىلى تاقتا وتىرعانىنا 60 جىل تولۋىنا وراي مەلٸمدەمە جاساعان.
ۇلىبريتانييادا سوڭعى دەرەك بويىنشا, 45 مىڭنان استام ادامعا كوروناۆيرۋس جۇققان. بەس مىڭعا جۋىق ادام قايتىس بولعان. بريتان تاعىنىڭ مۇراگەرٸ حانزادا چارلز دەرتتەن ايىقتى. كوروناۆيرۋس پرەمەر-مينيستر بوريس دجونسوننان دا تابىلعان. دەمالىس كٷنٸ BBC سايتى ونىڭ اۋرۋحاناعا جەتكٸزٸلگەنٸن حابارلادى.
ەۋروپانىڭ باسىم بٶلٸگٸ سيياقتى ۇلىبريتانييادا دا كوروناۆيرۋسقا بايلانىستى كارانتين كەش ەنگٸزٸلگەن. 70 جاستان اسقان ادامدارعا 12 اپتا ٷيدەن شىقپاۋعا كەڭەس بەرٸلدٸ.
