ەل-فارابي اتىنداعى قازاق ۇلتتىق ۋنيۆەرسيتەتٸ بيولوگييالىق قاۋٸپسٸزدٸك پروبلەمالارىنىڭ عىلىمي-زەرتتەۋ ينستيتۋتىمەن (بقپعزي) بٸرلەسە وتىرىپ, ۆيرۋسولوگ مامانداردى دايارلايتىن بولادى. بۇل تۋرالى بٸلٸم جەنە عىلىم مينيسترلٸگٸ حابارلايدى.
ۇلتتىق جوعارى وقۋ ورنىنىڭ رەكتورى ج.تٷيمەباەۆ پەن بيولوگييالىق قاۋٸپسٸزدٸك پروبلەمالارى عزي باس ديرەكتورى ك. زاكاريا تيٸستٸ كەلٸسٸمگە قول قويدى. قازٸر قازۇۋ عىلىمي-زەرتتەۋ ينستيتۋتىمەن بٸرلەسٸپ, ۆيرۋسولوگييا سالاسىندا جاڭا بٸلٸم بەرۋ باعدارلاماسىن ەزٸرلەدٸ.
«العاش رەت ەل-فارابي اتىنداعى قازاق ۇلتتىق ۋنيۆەرسيتەتٸ بيولوگييالىق قاۋٸپسٸزدٸك پروبلەمالارىنىڭ عىلىمي-زەرتتەۋ ينستيتۋتىمەن بٸرلەسٸپ, ۆيرۋسولوگ مامانداردى دايارلايتىن بولادى. اتالعان باعىتتا بۇرىن-سوڭدى باكالاۆرياتتىڭ ۇقساس بٸلٸم بەرۋ باعدارلامالارى بويىنشا وقىعان جوعارى وقۋ ورىندارىنىڭ تٷلەكتەرٸ وقي الادى. ولار قازۇۋ بيولوگييا جەنە بيوتەحنولوگييا فاكۋلتەتٸنٸڭ بازاسىندا ەرٸ بقپعزي BSL-2 جەنە BSL-3 زەرتحانالارىندا بٸلٸم الاتىن بولادى. ۆيرۋسولوگتاردى دايارلاۋ كەزٸندە ستۋدەنتتەردٸڭ تەورييالىق قانا ەمەس, پراكتيكالىق بٸلٸم الۋىنا باستى نازار اۋدارىلادى. جەتەكشٸ ۆيرۋسولوگتار زەرتتەۋ مەن دياگنوستيكانى قالاي جٷرگٸزۋ قاجەت, ۆيرۋستىڭ جاڭا تٷرلەرٸن قالاي انىقتاۋ كەرەكتٸگٸن كٶرسەتٸپ, ٶز تەجٸريبەلەرٸمەن بٶلٸسەدٸ. سونداي-اق بٸلٸم الۋشىلار مولەكۋليارلىق بيولوگييا, بيوحيمييا, ميكروبيولوگييا ەدٸستەرٸن مەڭگەرەدٸ», — دەدٸ بٸلٸم جەنە عىلىم ۆيتسە-مينيسترٸ قۋانىش ەرعاليەۆ.
پراكتيكالىق ساباقتار باسىم بولعاندىقتان, ستۋدەنتتەر بقپعزي بازاسىندا تەجٸريبە جەنە تاعىلىمدامادان ٶتەدٸ. ينستيتۋت عالىمدارى, سونىڭ ٸشٸندە كوروناۆيرۋسقا قارسى ۆاكتسينا جاساعان عالىمدار ۆيرۋسولوگييا, بيولوگييا جەنە بيوتەحنولوگييا سالاسىندا پراكتيكالىق ساباقتار مەن سەمينارلار ٶتكٸزەدٸ. وقۋدى ٷزدٸك اياقتاعان تٷلەكتەر ودان ەرٸ بيولوگييالىق قاۋٸپسٸزدٸك پروبلەمالارى عىلىمي-زەرتتەۋ ينستيتۋتىنا جۇمىسقا ورنالاسۋى مٷمكٸن.
الداعى ۋاقىتتا عىلىمي-زەرتتەۋ ينستيتۋتى بازاسىندا دوكتورلىق جۇمىستاردى قورعاۋ جٶنٸندەگٸ ديسسەرتاتسييالىق كەڭەس قۇرىلاتىن بولادى. عىلىمي-زەرتتەۋ جۇمىستارىن جٷرگٸزۋ كەزٸندە ەدٸستەمەلٸك-كونسۋلتاتسييالىق كٶمەك كٶرسەتۋ ٷشٸن شەتەلدٸك عالىمداردى تارتۋ كٶزدەلٸپ وتىر.
بيولوگييالىق قاۋٸپسٸزدٸك پروبلەمالارىنىڭ عىلىمي-زەرتتەۋ ينستيتۋتى ماماندارىنىڭ بيولوگييالىق قاۋٸپسٸزدٸك, بيوتەحنولوگييا, ۆيرۋسولوگييا, ميكروبيولوگييا, يممۋنولوگييا سالاسىندا مول تەجٸريبەسٸ بار ەكەنٸن اتاپ ٶتكەن جٶن. ينستيتۋت عالىمدارى پرەپاراتتاردىڭ 60-تان استام اتاۋىن, ونىڭ ٸشٸندە 30 ۆاكتسينا, 16 تەست-جٷيە جەنە 15-تەن استام تٷرلٸ بيوپرەپاراتتاردى ەزٸرلەپ, ەنگٸزدٸ. سوڭعى 10 جىلدا ينستيتۋت اسا قاۋٸپتٸ ينفەكتسييالارعا قارسى ۆاكتسينالاردى, ونىڭ ٸشٸندە وتاندىق QazVac ۆاكتسيناسىن دايىنداۋ تەحنولوگيياسىن جاسادى.
