ەلٸمٸزدٸڭ ەڭبەك نارىعىنىڭ تۇراقتىلىعىنا قاۋٸپ بار. بۇل تۋرالى ٷكٸمەت وتىرىسىندا قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ ايتتى, دەپ حابارلايدى قازاقپارات.
«وسى كٷنگە دەيٸنگٸ ەڭبەك نارىعى جاعدايى تۇراقتى بولعانىمەن, سىرتقى نارىقتا قالىپتاسىپ جاتقان فاكتورلارعا بايلانىستى ەلٸمٸزدٸڭ ەڭبەك نارىعىنىڭ تۇراقتىلىعىنا قاۋٸپ تۋۋ تەۋەكەلٸ بولجانادى. ونىڭ ٸشٸندە جۇمىسكەرلەردٸڭ بوساتىلۋ مٷمكٸندٸگٸ, جاڭا قۇرىلاتىن جۇمىس ورىندارىنىڭ ازايۋى, جۇمىسسىزدىق دەڭگەيٸنٸڭ ٶسۋٸ بار. ەلٸمٸزدە وسىنداي كەرٸ ەسەرلەردٸ بولدىرماۋ ماقساتىندا جاپپاي جاڭا جۇمىس ورىندارىن قۇرۋعا باعىتتالعان داعدارىسقا قارسى جاڭا شارالاردى قامتيتىن جول كارتاسى ەزٸرلەنٸپ جاتىر»,- دەدٸ مينيستر.
ونىڭ اتاپ ٶتۋٸنشە, جول كارتاسىندا 2009-2010 جىلدارى وڭ نەتيجەسٸن بەرگەن, جۇمىسسىزدار سانىنىڭ ٶسپەۋٸنە ەسەر ەتكەن ەلەۋمەتتٸك ينفراقۇرىلىمدىق جوبالاردى ٸسكە اسىرۋ شارالارى كٶزدەلەدٸ.
«بٸرٸنشٸدەن - ەلەۋمەتتٸك-مەدەنيەت نىساندارىن, ياعني, بٸلٸم بەرۋ, دەنساۋلىق ساقتاۋ, ەلەۋمەتتٸك قامسىزداندىرۋ, مەدەنيەت, سپورت, ويىن-ساۋىق جەنە دەمالىس نىساندارىن قايتا قۇرىلىمداۋ, كٷردەلٸ جەنە اعىمداعى جٶندەۋ. ەكٸنشٸدەن - تۇرعىن ٷي-كوممۋنالدىق شارۋاشىلىق نىساندارىن جاڭعىرتۋ, كٷردەلٸ, ورتاشا جەنە اعىمداعى جٶندەۋ. بۇل - سۋمەن قامتۋ, كەرٸز نىساندارى, گازبەن, جىلۋمەن, ەلەكترمەن جابدىقتاۋ جٷيەلەرٸ», - دەدٸ ول.
مينيستردٸڭ ايتۋىنشا, ٷشٸنشٸدەن ينجەنەرلٸك-كٶلٸك ينفراقۇرىلىمىن جاڭعىرتۋ, كٷردەلٸ, ورتاشا جەنە اعىمداعى جٶندەۋ جوبالارى قولعا الىنادى. وعان قالالىق اۆتوموبيل جولدارى, كەنتٸشٸلٸك جەنە اۋىلٸشٸلٸك جولدار, كٸرمە جولدار, اۋداندىق ماڭىزى بار جولدار, تروتۋارلار, بٶگەتتەر, دامبالار مەن كٶپٸرلەر جٶندەۋ كٸرەدٸ. تٶرتٸنشٸدەن ەلدٸ مەكەندەردٸ اباتتاندىرۋ جٷرگٸزٸلەدٸ.
«اتالعان ينفراقۇرىلىمدىق جوبالاردىڭ تٸزبەسٸن جەنە جاڭعىرتۋ سۇرانىسىن «اتامەكەن» ۇلتتىق كەسٸپكەرلەر پالاتاسى جٷرگٸزگەن ٶڭٸرلەردٸڭ پروبلەمالىق مەسەلەلەرٸنٸڭ سكرينينگٸ نەگٸزٸندە انىقتاۋ ۇسىنىلادى», - دەدٸ بٸرجان نۇرىمبەتوۆ.
