مەملەكەت باسشىسى قاسىم-جومارت توقاەۆ جامبىل وبلىسى بايزاق اۋدانىنداعى ادام ٶلٸمٸنە ەكەپ سوقتىرعان قايعىلى وقيعاعا بايلانىستى 29 تامىزدى جالپىۇلتتىق ازا تۇتۋ كٷنٸ دەپ جارييالاعان بولاتىن.
جالپىۇلتتىق ازا تۇتۋ كٷنٸنە وراي بٷگٸن ەلٸمٸزدٸڭ بارلىق مەشٸتٸندە قۇران حاتىم دۇعاسى جاسالدى, دەپ حابارلايدى قازاقستان مۇسىلماندارى دٸني باسقارماسىنىڭ رەسمي سايتى.
باس مٷفتي باستاماسى نەگٸزٸندە جٷزەگە اسقان يگٸ ٸسكە ەلٸمٸزدٸڭ بارلىق ٶڭٸرٸندەگٸ قۇلشىلىق وردالارى بٸرىڭعاي ٷن قوسىپ, جەرگٸلٸكتٸ ۋاقىت ەسەبٸمەن ساعات 10.00-دە بٸر مەزەتتە قۇران وقىلىپ, قازاعا ۇشىراعان مارقۇمداردىڭ رۋحىنا باعىشتالدى.
ەلٸمٸزدٸڭ باس مەشٸتٸ «ەزٸرەت سۇلتاندا» ٶتكەن ساۋاپتى شاراعا قمدب تٶراعاسىنىڭ ورىنباسارى, نايب مٷفتي ەرشات قاجى وڭعار ارنايى قاتىسىپ, قۇران حاتىم دۇعاسىن جاسادى. قاسيەتتٸ قۇران اياتتارىنان بولعان ساۋاپتى مارقۇمداردىڭ رۋحىنا باعىشتاپ, جارىلىستان زارداپ شەككەن جامبىلدىق جەرلەستەرٸمٸزگە سابىر مەن شىدام, جەڭٸلدٸك سۇراپ باتا قايىردى.
ايتا كەتەيٸك, بٸرنەشە جاننىڭ ٶمٸرٸن جالماپ, اينالاسىن وتقا وراعان قايعىلى وقيعاعا ورنىنا قازٸرگٸ ۋاقىتتا ەلٸمٸزدەگٸ بارلىق ٶكٸلدٸكتٸڭ ۇيىمداستىرۋىمەن گۋمانيتارلىق كٶمەك جەتكٸزٸلٸپ جاتىر.
