Memleket basshysy Qasym-Jomart Toqaev Jambyl oblysy Baizaq aýdanyndaǵy adam ólimine ákep soqtyrǵan qaiǵyly oqiǵaǵa bailanysty 29 tamyzdy Jalpyulttyq aza tutý kúni dep jariialaǵan bolatyn.
Jalpyulttyq aza tutý kúnine orai búgin elimizdiń barlyq meshitinde Quran hatym duǵasy jasaldy, dep habarlaidy Qazaqstan Musylmandary Dini basqarmasynyń resmi saity.
Bas múfti bastamasy negizinde júzege asqan igi iske elimizdiń barlyq óńirindegi qulshylyq ordalary biryńǵai ún qosyp, jergilikti ýaqyt esebimen saǵat 10.00-de bir mezette Quran oqylyp, qazaǵa ushyraǵan marqumdardyń rýhyna baǵyshtaldy.
Elimizdiń bas meshiti «Áziret Sultanda» ótken saýapty sharaǵa QMDB tóraǵasynyń orynbasary, naib múfti Ershat qajy Ońǵar arnaiy qatysyp, Quran hatym duǵasyn jasady. Qasietti Quran aiattarynan bolǵan saýapty marqumdardyń rýhyna baǵyshtap, jarylystan zardap shekken jambyldyq jerlesterimizge sabyr men shydam, jeńildik surap bata qaiyrdy.
Aita keteiik, birneshe jannyń ómirin jalmap, ainalasyn otqa oraǵan qaiǵyly oqiǵaǵa ornyna qazirgi ýaqytta elimizdegi barlyq ókildiktiń uiymdastyrýymen gýmanitarlyq kómek jetkizilip jatyr.
