«جاڭا جاعدايداعى جاستار: ٸس-قيمىل كەزەڭٸ» رەسپۋبليكالىق ونلاين جاستار جوباسى اياسىندا ەلٸمٸزدٸڭ ەڭ تانىمال 25 ساراپشىسى جاستارعا ونلاين بٸلٸم بەرەدٸ. بۇل تۋرالى قر اقپارات جەنە قوعامدىق دامۋ مينيسترلٸگٸنٸڭ جاستار جەنە وتباسى ٸستەرٸ كوميتەتٸنٸڭ تٶراعاسى شاحماردان بايمانوۆ مەلٸم ەتتٸ, دەپ حابارلايدى قازاقپارات.
«جاڭا جاعدايداعى جاستار: ٸس-قيمىل كەزەڭٸ» رەسپۋبليكالىق ونلاين جاستار جوباسىنىڭ ەڭ ماڭىزدى باعىتىنىڭ بٸرٸ – ونلاين بٸلٸم. ەلٸمٸزدەگٸ ەڭ ٷزدٸك دەگەن 25 سپيكەر (ساراپشىلار مەن كوۋچ-ترەنەرلەر) جاستارعا بٸلٸم بەرەدٸ. بۇل جەردە بەس باعىتتى تاڭداپ وتىرمىز. اتاپ ايتقاندا «تۇلعالىق تانۋ», «ۆولونتەرلٸك قىزمەت», «ازاماتتىق بەلسەندٸلٸك», «اقپاراتتىق تەحنولوگييالار» مەن «جاستار بەلسەندٸلٸگٸ» باعىتتارى تاڭداپ الىندى. بۇل تاقىرىپتاردى جايدان-جاي العان جوقپىز. بۇل - جاستاردىڭ تالعامىنا, قازٸرگٸ ترەندتەرگە نەگٸزدەلگەن تاقىرىپتار, وسى داعدىلاردى بٸزدٸڭ ٷزدٸك كوۋچ-ترەنەرلەر وقىتادى», - دەدٸ شاحماردان بايمانوۆ وكق-دا ٶتكەن باسپاسٶز مەسليحاتىندا.
كوميتەت باسشىسىنىڭ ايتۋىنشا, كوۋچ-ترەنەرلەر ەر باعىت بويىنشا 200 قاتىسۋشىنى وقىتادى.
«سونىمەن قاتار, اشىق پٸكٸر فورماتىندا ونلاين ديالوگ قۇرعىمىز كەلەدٸ. وعان لاۋازىمدى تۇلعالار مەن بەلگٸلٸ قوعام قايراتكەرلەرٸن شاقىرۋ جوسپارلانعان. ونلاين ديالوگ توك-شوۋ فورماتىندا ۇيىمداستىرىلادى. جاستاردى قاتتى مازالاپ جٷرگەن بەس تاقىرىپ تاڭداپ الىندى. بۇل جەردە تۇرعىن ٷي, بٸلٸم, جۇمىسپەن قامتۋ, اقپاراتتىق تەحنولوگييالار, بەلسەندٸلٸكتٸ شىڭداۋ سەكٸلدٸ تاقىرىپتار بار. وسى سالانىڭ ماماندارى ٶز وي-پٸكٸرٸن ۇسىنادى», - دەدٸ ول.
