بٷگٸننەن باستاپ ەلٸمٸزدە «نازار اۋدارىڭىز - بالالار!» ٸس-شاراسى باستالدى. بۇل تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ نۇردٸلدە وراز مەلٸم ەتتٸ, دەپ حابارلايدى "قازاقپارات" حاا.
«بالالاردىڭ جولداعى قاۋٸپسٸزدٸگٸ - ماڭىزدى جەنە ٶزەكتٸ تاقىرىپ. ٶكٸنٸشكە قاراي, رەسپۋبليكاداعى ەربٸر تٶرتٸنشٸ جول-كٶلٸك وقيعاسى كەمەلەتكە تولماعانداردىڭ قاتىسۋىمەن جاسالادى. جىل باسىنان بەرٸ وسىنداي جول-كٶلٸك وقيعالارىنان 90 بالا قازا تاۋىپ, 1 860 بالا جاراقات الدى. پاندەمييا جەنە حالىقتى ەلەۋمەتتٸك وقشاۋلاۋ كەزەڭٸندە, وقۋشىلاردىڭ كٶپشٸلٸگٸ قاشىقتان وقىتۋ فورماتقا كٶشٸرٸلگەن كەزدە, جاس ۇرپاق اراسىندا بٸلٸم بەرۋ جەنە قۇقىقتىق تٷسٸندٸرۋ جۇمىسىنىڭ كٶلەمٸ دە تٶمەندەدٸ. وسىعان بايلانىستى 23 تامىزدان باستاپ وقۋ جىلىنىڭ باستالۋى قارساڭىندا ٸشكٸ ٸستەر مينيسترلٸگٸ «نازار اۋدارىڭىز - بالالار!» ٸس-شاراسىن ۇيىمداستىرۋدا», - دەدٸ نۇردٸلدە وراز.
رەسمي ٶكٸلدٸڭ ايتۋىنشا, اتالعان ٸس-شارا 2 كەزەڭنەن, ناقتى ايتقاندا دايىندىق جەنە نەگٸزگٸ كەزەڭنەن تۇرادى.
«دايىندىق كەزەڭٸ اياسىندا: بٸلٸم بەرۋ مەكەمەلەرٸنٸڭ اۋماعىنا ٸرگەلەس جەرلەردە كٶشە-جول جەلٸسٸنٸڭ جەنە جول قوزعالىسىن ۇيىمداستىرۋدىڭ تەحنيكالىق قۇرالدارىنىڭ جاي-كٷيٸن زەرتتەۋ; اتا-انالارمەن جەنە مۇعالٸمدەرمەن جول قوزعالىسى قاۋٸپسٸزدٸگٸ تاقىرىبىندا پروفيلاكتيكالىق ساباق, دەرٸس ٶتكٸزۋ جوسپارلانعان», - دەدٸ ول.
ونىڭ اتاپ ٶتۋٸنشە, نەگٸزگٸ كەزەڭ بالالارمەن تٸكەلەي جٷرگٸزٸلەدٸ. ول جول قوزعالىسى قاۋٸپسٸزدٸگٸن ناسيحاتتاۋعا جەنە بالالاردىڭ جول-كٶلٸك جاراقاتتانۋىنىڭ الدىن الۋعا باعىتتالعان ٸس-شارالاردى قامتيدى.
«بۇدان باسقا, وسى جىلدىڭ 1 قىركٷيەگٸنەن باستاپ وقۋ ورىندارىنا ٸرگەلەس جەرلەردە پوليتسييا جاساعى ۇلعايتىلادى. بالالاردىڭ جولدارداعى قاۋٸپسٸزدٸگٸ كٶپ جاعدايدا اتا-انالارعا بايلانىستى ەكەنٸن اتاپ ٶتكەن جٶن. جول ەرەجەسٸن ساقتاڭىز جەنە بالالاردى قورعاڭىز!», - دەدٸ نۇردٸلدە وراز.
