قازاقستاندا جول-كٶلٸك ەرەجەسٸن جيٸ بۇزاتىن جٷرگٸزۋشٸلەردٸڭ 20 پايىزى - شەتەلدٸك كٶلٸك يەلەرٸ. بۇل تۋرالى قر ٸٸم ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى سەرٸك تٷسٸپوۆ مەلٸم ەتتٸ, دەپ حابارلايدى قازاقپارات.
«شىنىنا كەلسەك, كەيبٸر تٸركەلمەگەن كٶلٸك يەلەرٸ زاڭ ەسەر ەتپەيدٸ دەپ ويلايدى. كٶلٸگٸن تٸركەمەگەنٸمەن قويماي جول ەرەجەسٸن قاتاڭ بۇزاتىندار بار. وسى ورايدا بٸز تالداۋ جاسادىق. بٷگٸنگە تاڭدا جولدا جٷرۋ ەرەجەسٸن بۇزۋ جاعدايىنىڭ 20 پايىزى شەتەلدەن ەكەلگەن كٶلٸك جٷرگٸزۋشٸلەرٸنە تيەسٸلٸ. بۇل دەگەنٸمٸز 2,5 ملن ەرەجەسٸن بۇزۋ جاعدايىنىڭ 550 مىڭىن كٶلٸكتٸ سىرتتان ەكەلگەن جٷرگٸزۋشٸلەر بۇزىپ وتىر دەگەن سٶز», - دەدٸ سەرٸك تٷسٸپوۆ مينيسترلٸكتە ٶتكەن باسپاسٶز مەسليحاتىندا.
ونىڭ ايتۋىنشا, جول ەرەجەسٸن بۇزۋ اۆتوماتتى بەينەباقىلاۋ جەنە تٸركەۋ قۇرىلعىسى ارقىلى قاداعالانادى.
«ەرينە, بٸز بارلىق شەتەلدٸك كٶلٸكتٸڭ جٷرگٸزۋشٸلەرٸ جول ەرەجەسٸن بۇزادى دەپ ايتپايمىز. دەگەنمەن كٶلٸكتٸ رەسمي تٸركەۋ نەمەسە جول ەرەجەسٸن ساقتاۋ سەكٸلدٸ زاڭ تالابىن بەلشەسٸنەن باسىپ جٷرەتٸندەردٸڭ بارى راس. تٸپتٸ بٸزدە جولدا جٷرۋ ەرەجەسٸن 100 رەتتەن ارتىق بۇزعان رەكوردشى جٷرگٸزۋشٸ فاكتٸسٸ دە بار. وعان سالىنعان ايىپپۇل 500 مىڭ تەڭگەنٸ شامالايدى», - دەيدٸ ول.
