Qazaqstanda jol-kólik erejesin jii buzatyn júrgizýshilerdiń 20 paiyzy - sheteldik kólik ieleri. Bul týraly QR IIM Ákimshilik politsiia komiteti tóraǵasynyń orynbasary Serik Túsipov málim etti, dep habarlaidy QazAqparat.
«Shynyna kelsek, keibir tirkelmegen kólik ieleri zań áser etpeidi dep oilaidy. Kóligin tirkemegenimen qoimai jol erejesin qatań buzatyndar bar. Osy oraida biz taldaý jasadyq. Búginge tańda jolda júrý erejesin buzý jaǵdaiynyń 20 paiyzy shetelden ákelgen kólik júrgizýshilerine tiesili. Bul degenimiz 2,5 mln erejesin buzý jaǵdaiynyń 550 myńyn kólikti syrttan ákelgen júrgizýshiler buzyp otyr degen sóz», - dedi Serik Túsipov ministrlikte ótken baspasóz máslihatynda.
Onyń aitýynsha, jol erejesin buzý avtomatty beinebaqylaý jáne tirkeý qurylǵysy arqyly qadaǵalanady.
«Árine, biz barlyq sheteldik kóliktiń júrgizýshileri jol erejesin buzady dep aitpaimyz. Degenmen kólikti resmi tirkeý nemese jol erejesin saqtaý sekildi zań talabyn belshesinen basyp júretinderdiń bary ras. Tipti bizde jolda júrý erejesin 100 retten artyq buzǵan rekordshy júrgizýshi faktisi de bar. Oǵan salynǵan aiyppul 500 myń teńgeni shamalaidy», - deidi ol.
