ەلٸمٸزدە جەكە باسىن كۋەلاندىراتىن قۇجاتتارى جوق 3,5 مىڭنان اسا ادام انىقتالدى. بۇل جايىندا مەجٸلٸس دەپۋتاتتارىنىڭ ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى "ۇلت اقپارات".
«2020 جىلعى قىركٷيەك ايىنان باستاپ ٸشكٸ ٸستەر مينيسترلٸگٸ ٷكٸمەتتٸك ەمەس ۇيىمدارمەن (ادام قۇقىقتارىن جەنە زاڭدىلىقتى ساقتاۋ جٶنٸندەگٸ حالىقارالىق بيۋرو جەنە «سانا سەزٸم» ەيەلدەر باستامالارىنىڭ قۇقىقتىق ورتالىعى» اق, «وتانداستار» قورى) بٸرلەسٸپ, مەرتەبەسٸ رەتتەلمەگەن, جەكە باسىن كۋەلاندىراتىن قۇجاتتارى جوق ادامداردى انىقتاۋ بويىنشا رەسپۋبليكالىق ناۋقان ٶتكٸزۋدە. ٸٸم-نٸڭ اقپاراتى بويىنشا وسى ساناتتاعى 3,5 مىڭنان اسا ادام, ولاردىڭ كٶپشٸلٸگٸ قاراعاندى (353), تٷركٸستان (284), اقمولا (279), جامبىل (276) وبلىستارىنان جەنە الماتى قالاسىندا (299) انىقتالدى», - دەدٸ اسقار مامين.
ٷكٸمەت باسشىسىنىڭ اتاپ ٶتۋٸنشە, 300-دەن استام ادام قازاقستان رەسپۋبليكاسىنىڭ ازاماتى بولىپ تانىلدى جەنە ولارعا تيٸستٸ قۇجاتتار رەسٸمدەلدٸ. شامامەن 2 مىڭ ادامعا قاتىستى ازاماتتىعىن راستاۋ رەسٸمٸ اياقتالۋدا, 353 – ازاماتتىعى جوق ادام رەتٸندە تانىلدى. باسقاسىنا (819) قاتىستى تەكسەرٸس ٸس-شارالارى جالعاسۋدا.
«وسى ناۋقان اياسىندا قۇجاتتاندىرۋدا پروبلەمالىق مەسەلەلەرگە تاپ بولعان 155 ەتنيكالىق قازاق, ونىڭ ٸشٸندە 18 بالا انىقتالدى. ولارعا بەلگٸلەنگەن تەرتٸپپەن كٶمەك كٶرسەتٸلۋدە. رەسپۋبليكالىق ناۋقان وسى جىلدىڭ مامىرىنا دەيٸن جالعاسادى», - دەدٸ پرەمەر-مينيستر.
