Elimizde jeke basyn kýálandyratyn qujattary joq 3,5 myńnan asa adam anyqtaldy. Bul jaiynda Májilis depýtattarynyń saýalyna QR Premer-Ministri Asqar Maminniń jaýabynda aitylǵan, dep habarlaidy "Ult aqparat".
«2020 jylǵy qyrkúiek aiynan bastap Ishki ister ministrligi úkimettik emes uiymdarmen (Adam quqyqtaryn jáne zańdylyqty saqtaý jónindegi halyqaralyq biýro jáne «Sana Sezim» áielder bastamalarynyń quqyqtyq ortalyǵy» AQ, «Otandastar» qory) birlesip, mártebesi rettelmegen, jeke basyn kýálandyratyn qujattary joq adamdardy anyqtaý boiynsha respýblikalyq naýqan ótkizýde. IIM-niń aqparaty boiynsha osy sanattaǵy 3,5 myńnan asa adam, olardyń kópshiligi Qaraǵandy (353), Túrkistan (284), Aqmola (279), Jambyl (276) oblystarynan jáne Almaty qalasynda (299) anyqtaldy», - dedi Asqar Mamin.
Úkimet basshysynyń atap ótýinshe, 300-den astam adam Qazaqstan Respýblikasynyń azamaty bolyp tanyldy jáne olarǵa tiisti qujattar resimdeldi. Shamamen 2 myń adamǵa qatysty azamattyǵyn rastaý rásimi aiaqtalýda, 353 – azamattyǵy joq adam retinde tanyldy. Basqasyna (819) qatysty tekseris is-sharalary jalǵasýda.
«Osy naýqan aiasynda qujattandyrýda problemalyq máselelerge tap bolǵan 155 etnikalyq qazaq, onyń ishinde 18 bala anyqtaldy. Olarǵa belgilengen tártippen kómek kórsetilýde. Respýblikalyq naýqan osy jyldyń mamyryna deiin jalǵasady», - dedi Premer-Ministr.
