فوتو: "بەلسەندٸ ۇزاق ٶمٸر سٷرۋ ورتالىعىنىڭ" باسپاسٶز قىزمەتٸنەن
جيھانكەز جۋرناليست دينارا بولاتتىڭ ٶزگە پايىمى Ult.kz-تە.
بۇرىنعى زاماندا قازاق ەرەسەكتەرٸ قارتايۋعا اسىققان سىڭايلى. قارتتىق باستالسا «بالا شاعانى اسىراۋ بەينەتٸنەن قۇتىلىپ, قۋ باسىمىز سىيلى بولىپ, تەزٸرەك قازىنالى اتا-ەجە ساناتىنا ٶتٸپ, بالا-كەلٸننٸڭ قامقورىندا بولامىز, جانىمىز تىنىشتىق تابادى» دەپ تٷسٸنەتٸندەر كٶپ بولعان. كەيٸن قوعام, تٷسٸنٸك ٶزگەرە باستادى. جاستار بۇرىنعىداي بالالارىن اتا-ەجە قولىنا قالدىرماي, بٸرٸ ٷلكەن قالاعا وقۋعا, كەيبٸرٸ شەتەلگە كەتەمٸز دەي باستادى. جاستاردىڭ ٶز جولى, جەتەر مۇراتى بار ەكەنٸ ايتىلاتىن بولدى. تٷسٸنۋگە بولادى. اتا-انانىڭ ماقساتى قاي بالانىڭ دا اماندىعىن تٸلەپ, تٸلەكشٸ بولىپ قالۋ.
تەك بٸر مەسەلە, بۇرىنعى قارييالار سيياقتى ەمەس, قازٸرگٸ ەگدە جاستاعى كٸسٸلەردٸڭ جٷزدەرٸندە تۇرمىس تاۋقىمەتٸنٸڭ ٸزٸ از, اقجاۋلىقتى ەجە, اقساقال دەۋگە كەلمەيتٸن ەلدٸ-قۋاتتى جاس زەينەتكەرلەر ەكٸ ورتادا ەرٸ قاراي قالاي ٶمٸر سٷرەرٸن بٸلمەي قالدى. بٸرٸ جالعىز قالعىسى كەلمەي بالا مەن كەلٸننٸڭ ورتاسىنا تٷسسە, بٸرٸ جالعىزدىقتى, جۇمىسسىز ٷيدە قالۋدى قابىلداي الماي, ٸشتەي ٶزٸن جەپ شارشادى.
زەينەتكە شىعۋ, قارتتىققا اياق باسۋ ̶ ٶمٸردٸڭ سوڭى تاياپ قالدى دەگەندٸ بٸلدٸرمەيدٸ. مىسالى زەينەت جاسىنداعى ەرەسەكتەردٸڭ دەل وسى مەسەلەسٸن شەشۋ ماقساتىندا دامىعان شەت ەلدەردە ارنايى ورتالىقتار مەن ٷيٸرمەلەر, وڭالتۋ ورىندارى ەۋەلدەن كٶپتەپ اشىلعان.
شٷكٸر, كٶشتەن كەيٸن بولسا دا بٸزدٸڭ ەلٸمٸزدە دە ەگدە جاستاعى زەينەتكەرلەرگە فيزيلوگييالىق, پسيحولوگييالىق قولداۋ كٶرسەتەتٸن «بەلسەندٸ ۇزاق ٶمٸر سٷرۋ ورتالىعى» اشىلدى. ەرٸ بۇل ورتالىقتىڭ سوڭعى جىلدارى ەلٸمٸز بويىنشا فيليالدارى كٶبەيدٸ. بٸر ٶكٸنٸشتٸسٸ, بۇل ورتالىقتار تۋرالى كٶپ ادام حابارسىز.
فوتو: "بەلسەندٸ ۇزاق ٶمٸر سٷرۋ ورتالىعىنىڭ" باسپاسٶز قىزمەتٸنەن
وسى ورايدا استانا قالاسى ەكٸمدٸگٸنٸڭ «بەلسەندٸ ۇزاق ٶمٸر سٷرۋ ورتالىعى» ەلەۋمەتتٸك قىزمەتتەردٸ اقپاراتتىق ٸلگەرٸلەتۋ بٶلٸمٸنٸڭ باسشىسى مەرۋەرت نۇرعاليەۆادان ورتالىق مٷمكٸندٸكتەرٸ تۋرالى ايتىپ بەرۋٸن سۇرادىق.
«قازٸرگٸ تاڭدا استانا قالاسى بويىنشا التى «بەلسەندٸ ۇزاق ٶمٸر سٷرۋ ورتالىعى» بار. نەگٸزگٸ جۇمىسىمىز ̶ قالا زەينەتكەرلەرٸن ەلەۋمەتتٸك ساۋىقتىرۋ. ەلەۋمەتتٸك-مەديتسينالىق, ەلەۋمەتتٸك-ەكونوميكالىق, ەلەۋمەتتٸك-ەڭبەك, بوس ۋاقىتتارىن ٶتكٸزۋ باعىتتارىندا ٷيٸرمە, سەكتسييا, كلۋب اياسىندا زەينەتكەرلەرگە تٷرلٸ تەگٸن قىزمەت كٶرسەتەمٸز. اعىمداعى جىلدىڭ باسىنان بٸزگە بٸر مىڭنان استام زەينەتكەر كەلٸپ تٸركەلدٸ. ال جالپى كٷنٸ بٷگٸنگە دەيٸن استانا قالاسى بويىنشا 15 000-نان اسا زەينەتكەر تٷرلٸ بەلسەندٸلٸككە قاتىسىپ جٷر. جالپى كٷنٸنە 2500 زەينەتكەر تٷرلٸ تەگٸن قىزمەت تٷرٸن الادى. زەينەتكەرلەر بٸزدٸڭ كلۋبتارعا كەلٸپ, ٷستەل تەننيسٸ, ۆولونتەرلار كلۋبى, ەگدە جاستاعى كيٸم ٷلگٸسٸ, كۋنگ-فۋ, ۆوكال, دومبىرا مەن گيتارادان ساباق الادى. ٷيٸرمەلەرگە توقتالار بولساق, وڭالتۋ گيمناستيكاسى, ەگدە جاستاعى ادامدارعا ارنالعان فيتنەس, يوگا, ايكۋنە, ەمدٸك تۇزدى شاحتا, اعىلشىن تٸلٸ, شاحمات, ەڭبەك تەراپيياسى, قولٶنەر, كەسكٸندەمەگە قاتىسادى. سونىمەن قاتار, بٸزدٸڭ ورتالىقتا ٷلكەندەرٸمٸزگە ارنالعان فيزيولوگييالىق رەلاكساتسييا كابينەتتەرٸ, پسيحولوگييالىق كەڭەس جەنە توپتىق ترەنينگتەر بار», ̶ دەيدٸ مەرۋەرت نۇرعاليەۆا.
بٶلٸم باسشىسى بۇل قىزمەتتەردٸڭ بارلىعى تەگٸن كٶرسەتٸلەتٸنٸن ايتىپ وتىر. «بەلسەندٸ ۇزاق ٶمٸر سٷرۋ ورتالىعىنا» كەلەتٸن زەينەتكەرلەردٸڭ باسىم كٶپشٸلٸگٸ دەنساۋلىقتارىن ساۋىقتىرۋ ٷشٸن كەلەدٸ ەكەن.
«بەلگٸلٸ ۋاقىت بويى بٸزدە ٶتكٸزٸلەتٸن شارالارعا تۇراقتى قاتىسىپ كەلگەن زەينەتكەرلەر دەنساۋلىقتارىندا, پسيحولوگييالىق جاي-كٷيٸندە وڭ ٶزگەرٸستەر بايقاپ, العىستارىن ايتىپ جاتادى. ٶمٸر بويى ٶزٸن قىزمەتكە ارناپ, ارماندارىن كەيٸنگە ىسىرىپ قويعان قارييالار كٶپ. مۇنداي جاندار بٸزدەگٸ تٷرلٸ ٷيٸرمەلەر ارقىلى ٶز قابٸلەتتەرٸن شىڭداپ, ارماندارىن ورىنداپ جاتادى. بٸزدٸڭ ورتالىققا كەلٸپ بٸر بٸرٸمەن تانىسىپ, دوس-قۇربى تاۋىپ, تٸپتٸ وتباسى قۇرىپ كەتٸپ جاتقاندار بار. جالپى ورتالىعىمىزدىڭ ماقساتى ̶ زەينەت جاسىنداعىلاردىڭ ٶمٸر سٷرۋ دەڭگەيٸنٸڭ ساپاسىن جاقسارتىپ, ٶمٸر سٷرۋگە قۇلشىنىستارىن ارتتىرۋ. نەتيجە بار. وسى ماقساتتا ەلٸ دە جۇمىس ٸستەيمٸز», ̶ دەيدٸ «بەلسەندٸ ۇزاق ٶمٸر سٷرۋ ورتالىعى» ەلەۋمەتتٸك قىزمەتتەردٸ اقپاراتتىق ٸلگەرٸلەتۋ بٶلٸمٸنٸڭ باسشىسى.
«بەلسەندٸ ۇزاق ٶمٸر سٷرۋ ورتالىقتارى» بٷگٸندە ەلٸمٸزدٸڭ كٶپ قالاسىندا بار. بۇل ورتالىققا تٸركەلۋ ٷشٸن بار بولعانى زەينەتكەرلٸك كۋەلٸگٸ, جەكە باسىنىڭ كۋەلٸگٸ مەن تۇرعىلىقتى مەكەنجاي بويىنشا تٸركەۋ انىقتاماسى قاجەت.
فوتو: "بەلسەندٸ ۇزاق ٶمٸر سٷرۋ ورتالىعىنىڭ" باسپاسٶز قىزمەتٸنەن
پايىم
جىلدان جىلعا قارتتىق كەشٸگٸپ, جاستىق ۇزارىپ جاتىر. زەينەتكەرلەرٸمٸزدٸڭ كٶبٸ ەلٸ قۋاتتى. تەك تٶرت قابىرعا ورتاسىندا جالعىز قالىپ, ٶزٸن ەشكٸمگە قاجەتسٸز سەزٸنٸپ, كٶڭٸلدەرٸ كٷپتٸ بولماس ٷشٸن ەڭ ەۋەلٸ ٶزدەرٸنٸڭ تاراپىنان ەلٸ دە بەلسەندٸ, ەدەمٸ ٶمٸر سٷرسەم دەگەن نيەت كەرەك. ول نيەتٸن ٸسكە اسىرۋدا كٶمەككە كەلەر ورتالىقتار دايىن. ەر زەينەتكەر ٶز ورتاسىن, سٷيٸكتٸ ٸسٸن تاۋىپ, ارماندارىن ورىنداپ, ەكٸنشٸ جاستىعىن ەدەمٸ ٶتكٸزسە قۇبا قۇپ.
دينارا بولات
.jpg)
