قازاقستاندا ٶرت سالدارىنان ادامنىڭ مەرت بولۋ كٶرسەتكٸشٸ ٶسكەن. بۇل تۋرالى قر تجم ٶرتكە قارسى قىزمەت كوميتەتٸ باسقارماسىنىڭ باسشىسى ەرلان تٶرەگەلديەۆ مەلٸم ەتتٸ, دەپ حابارلايدى قازاقپارات.
«جىل باسىنان بەرٸ ەلٸمٸزدە 7 515 ٶرت جاعدايى تٸركەلٸپ, تٸلسٸز جاۋدان 1 018 ادام قۇتقارىلدى. ٶكٸنٸشكە قاراي 251 ادام قايتىس بولدى. سونىمەن قوسا 217 ادام تٷرلٸ دەرەجەدەگٸ كٷيٸك الدى جەنە ۋلانىپ قالدى. ٶتكەن جىلمەن سالىستىرعاندا جالپى ٶرت سانى 7%-عا تٶمەندەگەن, بٸراق ونىڭ سالدارىنان ادامنىڭ قازا تابۋى 20%-عا, ال جاراقات الۋ 18%-عا ٶسٸپ وتىر. ٶرت جيٸ ورىن الاتىن ول تۇرعىن ٷي سەكتورى, بيىل 4 300-دەن استام ٶرت بولدى, بۇل ەلٸمٸز بويىنشا ٶرت جاعدايىنىڭ 58%-ى قۇرايدى», - دەدٸ ە. تٶرەگەلديەۆ وكق-دە ٶتكەن باسپاسٶز مەسليحاتىندا.
سونداي-اق, تجم ٶكٸلٸ ٶرت قاۋٸپسٸزدٸگٸ باعىتىندا اتقارىلعان جۇمىس نەتيجەسٸنە توقتالىپ ٶتتٸ.
«سوڭعى 2 جىلدا اتقارىلعان جۇمىستار ەلەۋمەتتٸك وسال توپتقا جاتاتىن ازاماتتاردىڭ ٷيلەرٸندە ورىن الاتىن ٶرت سانىنىڭ ايتارلىقتاي تٶمەندەگەنٸن كٶرسەتتٸ. ستاتيستيكاعا سٷيەنسەك, 18 پايىزعا دەيٸن تٶمەندەگەن. مەسەلەن, 2019-2020 جىلدارداعى جىلۋ بەرۋ ماۋسىمىندا اتالعان ساناتتاعى ٷيلەردە 354 ٶرت بولسا, 2020-2021 جىلعى جىلۋ بەرۋ كەزەڭٸندە بارلىعى 19 ٶرت جاعدايى تٸركەلگەن. سونىمەن قاتار تۇرعىن ٷي سەكتورىندا ادامداردىڭ گازدان نەمەسە تٷتٸننەن ۋلانۋ كٶرسەتكٸشٸ دە 28 پايىزعا ازايعانى بايقالادى», - دەيدٸ ول.
