قازاقستاندا بالالاردىڭ قاۋٸپسٸزدٸگٸن قامتاماسىز ەتۋ ماقساتىندا مەكتەپتەردٸ تەۋلٸك بويى ارنايى كٷزەت قىزمەتٸنٸڭ قاداعالاۋىنا بەرۋ مەسەلەسٸ قارالىپ جاتىر. بۇل تۋرالى قر بٸلٸم جەنە عىلىم مينيسترلٸگٸنٸڭ بالالار قۇقىقتارىن قورعاۋ كوميتەتٸ تٶراعاسىنىڭ ورىنباسارى دۋلات جەكەباەۆ مەلٸم ەتتٸ, دەپ حابارلايدى قازاقپارات تٸلشٸسٸ.
«قازان, پەرمدە بولعان جاعداي بٸزگە دە كەز كەلگەن قاۋٸپكە دايار بولۋدىڭ قاجەتتٸگٸن كٶرسەتتٸ. بالالار قاۋٸپسٸزدٸگٸن قامتاماسىز ەتۋدە مەكتەپ كٷزەتٸنە قويىلاتىن تالاپ جوعارى. كٷزەت قىزمەتٸ تٶتەنشە جاعدايعا ەردايىم دايىن بولىپ, شۇعىل شەشٸم قابىلداي بٸلۋٸ تيٸس. بۇل دەگەنٸمٸز بەينەباقىلاۋ كامەراسىنىڭ ورناتىلىپ, ونىڭ تالاپ پەن ستاندارتقا سەيكەس جۇمىس ٸستەۋٸ. وسى ورايدا بٸز حالىقارالىق تەجٸريبە مەن ٶزگە ەلدەردە بولىپ جاتقان تٶتەنشە جاعدايلارعا تالداۋ جٷرگٸزۋدەمٸز», - دەدٸ دۋلات جەكەباەۆ «Kazakhstan Security Systems -2021» اتتى رەسپۋبليكالىق كونفەرەنتسييا بارىسىندا.
ونىڭ ايتۋىنشا, كەيبٸر مەكتەپتەردەگٸ بەينەباقىلاۋ كامەراسى تيٸستٸ تالاپ پەن ستاندارتقا سەيكەس كەلمەيدٸ.
«مەملەكەت باسشىسىنىڭ تاپسىرماسىنا ساي, بٸزدٸڭ مينيسترلٸك قۇزىرلى ورگاندارمەن بٸرلەسٸپ مەكتەپ قاۋٸپسٸزدٸگٸن تەۋلٸك بويى قاداعالايتىن ارنايى كٷزەت قىزمەتٸمەن قامتۋ مەسەلەسٸ قارالىپ جاتىر. سونىمەن قاتار, بارلىق بٸلٸم بەرۋ مەكەمەلەرٸندە «دابىل باتىرماسىن» ورناتۋ دا كٷن تەرتٸبٸندە. اتالعان شارالار بيۋدجەتتەن قوسىمشا 2 ملرد تەڭگە قارجىنى تالاپ ەتەدٸ. وسى ورايدا بٷگٸندە قۇقىقتىق-نورماتيۆتٸك اكتٸگە قايتا ٶزگەرٸستەر ەنگٸزٸلٸپ جاتىر», - دەيدٸ ول.
