قازاقستاندا 72 ادام جاساندى تىنىس الۋ اپپاراتىندا جاتىر. بۇل تۋرالى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ ايتتى, دەپ حابارلايدى "ۇلت اقپارات".
«دەنساۋلىق ساقتاۋ مينيسترلٸگٸنٸڭ مەديا ورتالىعىنا تٷسكەن رەسمي ستاتيستيكاعا سەيكەس, قازاقستاندا وسى جىلدىڭ 13 ناۋرىزىنان باستاپ بٷگٸنگٸ كٷنگە دەيٸن كوروناۆيرۋستىق ينفەكتسييامەن 103 033 ادام اۋىردى. جازىلىپ شىققان ناۋقاستاردىڭ سانى 87 777-گە جەتتٸ نەمەسە جالپى كٶرسەتكٸش 80,3 پايىزدى قۇرادى. ٶكٸنٸشكە قاراي, 1 415 ادام قايتىس بولدى», - دەدٸ ول ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, سوڭعى بٸر تەۋلٸكتە 1 219 ادام جازىلىپ شىقتى. 18 841 ادام ەم قابىلداۋىن جالعاستىرىپ جاتىر. ونىڭ ٸشٸندە 99 بالا بار. 3 279 ادام ستاتسيونارلىق, 15 562 ادام امبۋاتورلىق جاعدايدا ەمدەلۋدە.
«ەمدەلٸپ جاتقان ناۋقاستاردىڭ 3 پايىزىنىڭ نەمەسە 509 ادامىنىڭ دەنساۋلىعى اۋىر جەنە ٶتە اۋىر دەپ باعالانىپ وتىر. اتاپ ايتقاندا, 406 ادامنىڭ جاعدايى اۋىر جەنە 103 ادامنىڭ دەنساۋلىعى ٶتە ناشار. 72 ناۋقاس جاساندى تىنىس اۋلۋ اپپاراتىنا قوسىلعان», - دەدٸ باعدات قوجاحمەتوۆ.
