Qazaqstanda 72 adam jasandy tynys alý apparatynda jatyr. Bul týraly QR Densaýlyq saqtaý ministrliginiń resmi ókili Baǵdat Qojahmetov aitty, dep habarlaidy "Ult aqparat".
«Densaýlyq saqtaý ministrliginiń media ortalyǵyna túsken resmi statistikaǵa sáikes, Qazaqstanda osy jyldyń 13 naýryzynan bastap búgingi kúnge deiin koronavirýstyq infektsiiamen 103 033 adam aýyrdy. Jazylyp shyqqan naýqastardyń sany 87 777-ge jetti nemese jalpy kórsetkish 80,3 paiyzdy qurady. Ókinishke qarai, 1 415 adam qaitys boldy», - dedi ol Ortalyq kommýnikatsiialar qyzmetindegi brifing barysynda.
Onyń atap ótýinshe, sońǵy bir táýlikte 1 219 adam jazylyp shyqty. 18 841 adam em qabyldaýyn jalǵastyryp jatyr. Onyń ishinde 99 bala bar. 3 279 adam statsionarlyq, 15 562 adam ambýatorlyq jaǵdaida emdelýde.
«Emdelip jatqan naýqastardyń 3 paiyzynyń nemese 509 adamynyń densaýlyǵy aýyr jáne óte aýyr dep baǵalanyp otyr. Atap aitqanda, 406 adamnyń jaǵdaiy aýyr jáne 103 adamnyń densaýlyǵy óte nashar. 72 naýqas jasandy tynys aýlý apparatyna qosylǵan», - dedi Baǵdat Qojahmetov.
