وسى جىلدىڭ سوڭىنا دەيٸن قورعانۋ كوستيۋمدەرٸن شىعاراتىن 3 كەسٸپورىن ٸسكە قوسىلادى. بۇل تۋرالى بٷگٸن ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ ايتتى, دەپ حابارلايدى "ۇلت اقپارات".
«مەديتسينالىق قولعاپتارعا قاجەتتٸلٸك 83,7 ملن جۇپ قولعاپتى قۇرايدى. قازٸرگٸ ۋاقىتتا ەكٸ كەسٸپورىن تەۋلٸگٸنە 330 مىڭ جۇپ قولعاپ شىعارادى. ەرٸ قاراي بٸز ٶندٸرٸس كٶلەمٸن تەۋلٸگٸنە 460 مىڭ جۇپقا دەيٸن ارتتىرۋدى جوسپارلاپ وتىرمىز», - دەدٸ ول.
ونىڭ دەرەگٸنشە, 6 ايعا قورعانۋ كوستيۋمدەرٸنٸڭ قاجەتتٸلٸگٸ 1,3 ملن دانانى قۇرايدى ٶندٸرٸس كٶلەمٸن ارتتىرۋ ٷشٸن وسى جىلدىڭ سوڭىنا دەيٸن 3 جاڭا كەسٸپورىندى ٸسكە قوسۋ جوسپارلانعان.
«بۇل شارالاردىڭ بارلىعى قورعانۋ كوستيۋمدەرٸن ٶندٸرۋ كٶلەمٸن ايىنا 800 مىڭ داناعا دەيٸن جەتكٸزۋگە مٷمكٸندٸك بەرەدٸ», - دەدٸ بەيبٸت اتامقۇلوۆ.
