قازاقستاننىڭ دەپوزيتتەرگە كەپٸلدٸك بەرۋ قورى (قدكبق) كەپٸلدٸك بەرٸلگەن ٶتەمدٸ تٶلەۋ تەرتٸبٸن وڭايلاتادى, دەپ حابارلايدى "ۇلت اقپارات".
2021 جىلدىڭ 2 قاڭتارىندا قازاقستان رەسپۋبليكاسىنىڭ پرەزيدەنتٸ «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ەكونوميكالىق ٶسۋدٸ قالپىنا كەلتٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» قازاقستان رەسپۋبليكاسىنىڭ زاڭىنا قول قويدى.
اتالمىش زاڭ ەلدٸڭ ەلەۋمەتتٸك-ەكونوميكالىق تۇراقتىلىعىن ساقتاۋعا باعىتتالعان.
زاڭ دەپوزيتتەرگە كەپٸلدٸك بەرۋ جٷيەسٸنٸڭ مەسەلەلەرٸ بويىنشا جاڭا ماڭىزدى ەنگٸزٸلٸمدەردٸ قاراستىرادى. ولار ازاماتتارعا كەپٸلدٸك بەرٸلگەن ٶتەمدٸ تٶلەۋ تەرتٸبٸن وڭايلاتادى.
العاشقى قادام. 2021 جىلدىڭ 1 مامىرىنان باستاپ كەپٸلدٸك بەرٸلگەن ٶتەم تٶلەۋدٸڭ جاڭا تەرتٸبٸ ٸسكە قوسىلادى.
سوعان سەيكەس, ليتسەنزيياسىنان ايىرىلعان بانكتٸڭ سالىمشىلارى كەپٸلدٸك بەرٸلگەن ٶتەمدٸ تٶلەۋ جٶنٸندەگٸ ٶتٸنٸشتٸ اگەنت بانكتٸڭ بٶلٸمشەسٸنە بارماي-اق, تٸكەلەي قازاقستاننىڭ دەپوزيتتەرگە كەپٸلدٸك بەرۋ قورىنا (قدكبق, قور) ەلەكتروندىق تەسٸلمەن بەرە الادى.
«Tengri Bank» اق سالىمشىلارىنا, سونداي-اق قازٸرگٸ ۋاقىتتا تاراتىلىپ جاتقان بانكتەردٸڭ («ۆاليۋت-ترانزيت بانك» اق, «قازينۆەستبانك» اق, «Delta Bank» اق, «Qazaq Banki» اق, «ەكسيمبانك قازاقستان» اق جەنە «استانا بانكٸ» اق) سالىمشىلارىنا دا وسىنداي مٷمكٸندٸك بەرٸلەدٸ.
وسىلايشا تٶلەم الۋ ٷشٸن اگەنت بانككە ەلٸ كٷنگە دەيٸن بارماي جٷرگەن 450 مىڭنان استام سالىمشى 2021 جىلدىڭ 1 مامىرىنان باستاپ كەپٸلدٸك بەرٸلگەن ٶتەمدٸ الۋ جٶنٸندەگٸ ٶتٸنٸشتٸ ونلاين تٷرٸندە بەرە الادى.
بۇل رەتتە دەستٷرلٸ بانكتٸك قىزمەت كٶرسەتۋ تەسٸلٸن قالايتىن, سونداي-اق ٶتەم الۋعا ٷشٸنشٸ تۇلعالارى (مۇراگەرلەر, سەنٸمحات بويىنشا ٶكٸلدەر جەنە باسقا دا قۇقىق يەلەنۋشٸلەر) ٶتٸنٸش بەرە الاتىن سالىمشىلار ٷشٸن اگەنت بانك ارقىلى كەپٸلدٸك بەرٸلگەن ٶتەم تٶلەۋ تەرتٸبٸ ساقتالادى.
كەپٸلدٸك بەرٸلگەن ٶتەمدٸ تٶلەۋ جٶنٸندەگٸ ٶتٸنٸشتٸ قور ەلەكتروندى جەنە جازباشا تٷردە (اگەنت بانك ارقىلى) تٶلەم باستالعان كٷننەن باستاپ 1 جىل ٸشٸندە, ال تاراتۋ ٷدەرٸسٸندەگٸ بانكتەردٸڭ سالىمشىلارىنان 2022 جىلدىڭ 1 مامىرىنا دەيٸن قابىلدايدى.
كەپٸلدٸك بەرٸلگەن ٶتەمدٸ تٶلەۋ جٶنٸندەگٸ ٶتٸنٸشتٸ ونلاين بەرۋ – قازٸرگٸ قولدانىستاعى تٶلەم تەرتٸبٸن وڭايلاتادى جەنە سالىمشىلارعا ىڭعايلى جاعداي جاساي وتىرىپ, تٶلەم الۋدىڭ اناعۇرلىم تارتىمدى تەسٸلٸنە اينالاتىن بولادى.
بۇل سالىمشىلاردىڭ ۋاقىتىن ٷنەمدەيدٸ, اگەنت بانككە بارۋعا كەتەتٸن جول شىعىنىن ازايتادى جەنە العاشقى تٶلەم كٷندەرٸ ادامداردىڭ تىم كٶپ شوعىرلانۋىن بەسەڭدەتەدٸ.
بۇل ەسٸرەسە COVID-19 كوروناۆيرۋستىق ينفەكتسييا پاندەميياسى كەزەڭٸندە ٶتە ماڭىزدى.
ەكٸنشٸ قادام. سالىمشىلاردىڭ تٶلەم باستالعاننان بەرٸ 1 جىل بويى تالاپ ەتپەگەن كەپٸلدٸك بەرٸلگەن ٶتەم سومالارىن قدكبق ولاردىڭ «بٸرىڭعاي جيناقتاۋشى زەينەتاقى قورى» اكتسيونەرلٸك قوعامىنداعى (بجزق) زەينەتاقى شوتتارىنا ەرٸكتٸ زەينەتاقى جارنالارى رەتٸندە اۋدارادى.
كەپٸلدٸك بەرٸلگەن ٶتەمدٸ تٶلەۋ مەرزٸمٸ اياقتالۋعا 30 جۇمىس كٷنٸ قالعاندا قور سالىمشىلارعا ٶتەم تٶلەۋ اياقتالاتىن كٷن جەنە سالىمشىلاردىڭ 1 جىل بويى تالاپ ەتپەگەن ٶتەم سومالارى بجزق-عا اۋدارىلاتىندىعى تۋرالى باق جەنە ٶز سايتى ارقىلى حابارلايدى.
بجزق-عا اۋدارىلعان كەپٸلدٸك بەرٸلگەن ٶتەم سوماسى سالىمشىنىڭ ەرٸكتٸ زەينەتاقى جارناسى بولىپ تانىلادى جەنە (ەسەپتەلگەن ينۆەستيتسييالىق تابىستى قوسپاعاندا) سالىق سالۋدان بوساتىلادى. ەرٸكتٸ زەينەتاقى جارنالارىن ەسەپكە الۋ بويىنشا زەينەتاقى شوتتارى اۆتوماتتى تٷردە اشىلادى. ول ٷشٸن بجزق-عا بارۋدىڭ قاجەتٸ جوق.
بۇل تەرتٸپ 2021 جىلدىڭ 1 مامىرىنان باستاپ ٸسكە قوسىلادى جەنە «Tengri Bank» اق سالىمشىلارىنا, سونداي-اق قازٸرگٸ ۋاقىتتا تاراتىلىپ جاتقان بانكتەرگە دە («ۆاليۋت-ترانزيت بانك» اق, «قازينۆەستبانك» اق, «Delta Bank» اق, «Qazaq Banki» اق, «ەكسيمبانك قازاحستان» اق جەنە «استانا بانكٸ» اق) قولدانىلادى.
تٶلەم باستالعان كٷننەن باستاپ 1 جىل بويى نەمەسە 2022 جىلدىڭ 1 مامىرىنا دەيٸن قانداي دا بٸر دەلەلدٸ سەبەپتەرمەن ٶتەم الۋعا كەلە الماعان سالىمشىلار ٷشٸن قورعا كەپٸلدٸك بەرٸلگەن ٶتەمدٸ الۋعا (راستايتىن قۇجاتتارمەن بٸرگە) جازباشا ٶتٸنٸش بەرۋ قۇقىعى ساقتالادى.
دەلەلدٸ سەبەپتەر تٸزٸمٸ «قازاقستان رەسپۋبليكاسىنىڭ ەكiنشi دەڭگەيدەگٸ بانكتەرiندە ورنالاستىرىلعان دەپوزيتتەرگە مiندەتتi كەپiلدiك بەرۋ تۋرالى» زاڭدا تٸكەلەي قاراستىرىلعان.
ٶتٸنٸش بانكتi مەجبٷرلەپ تاراتۋ تۋرالى مەلٸمەتتەر بيزنەس-سەيكەستەندٸرۋ نٶمٸرلەرٸنٸڭ ۇلتتىق تiزiلiمiنە ەنگiزiلگەن كٷنگە دەيٸن نەمەسە كەپٸلدٸك بەرٸلگەن ٶتەم سوماسى بجزق-عا اۋدارىلعان جاعدايدا, سالىمشىنىڭ ەرٸكتٸ زەينەتاقى جارنالارى ەسەبٸنەن زەينەتاقى تٶلەمدەرٸن الۋ قۇقىعى تۋىنداعانعا دەيٸن بەرٸلۋٸ مٷمكٸن.
ۋشٸنشٸ جاڭا ەنگٸزٸلٸم – شەتەلدٸك بانكتەردٸڭ فيليالدارىنداعى دەپوزيتتەردٸ قورعاۋ. شەتەلدٸك بانكتەردٸڭ قازاقستان اۋماعىندا اشىلاتىن فيليالدارى ۋەكiلەتتi ورگاننىڭ جەكە تۇلعالاردىڭ دەپوزيتتەرiن قابىلداۋعا, بانك شوتتارىن اشۋ مەن جٷرگiزۋگە بەرگەن ليتسەنزيياسىن العان سەتتەن باستاپ دەپوزيتتەرگە مٸندەتتٸ كەپٸلدٸك بەرۋ جٷيەسٸنٸڭ قاتىسۋشىلارى اتانادى.
وسىلايشا ازاماتتاردىڭ شەتەلدٸك بانكتەردٸڭ فيليالدارىندا اشىلعان دەپوزيتتەرٸنە دە قور كەپٸلدٸگٸ قولدانىلادى.
