قازاقستاندا سالىق دەكلاراتسييالارىنىڭ 99 جەنە كەدەندٸك دەكلاراتسييالاردىڭ 100 پايىزى قاشىقتان تاپسىرىلادى. بۇل تۋرالى بٷگٸن ٷكٸمەت وتىرىسىندا قر قارجى مينيسترٸ ەرۇلان جاماۋباەۆ ايتتى, دەپ حابارلايدى قازاقپارات.
«بٷگٸنگٸ كٷنٸ جەكە جەنە زاڭدى تۇلعالارعا 44 مەملەكەتتٸك قىزمەت كٶرسەتٸلەدٸ, ونىڭ ٸشٸندە 38-ٸ - ەلەكتروندى تٷردە. ٶتكەن جىلى 22,3 ملن مەملەكەتتٸك قىزمەت كٶرسەتٸلدٸ, ونىڭ 97 پايىزى - ەلەكتروندى تٷردە. مەملەكەتتٸك كٸرٸستەر كوميتەتٸنٸڭ بايلانىس ورتالىعى 2020 جىلى 670 مىڭنان استام سالىق تٶلەۋشٸلەردٸڭ ٶتٸنٸشٸن ٶڭدەدٸ. ولاردىڭ 91 پايىزى وپەراتورلاردىڭ جۇمىسىن «ٶتە جاقسى» دەپ باعالادى», - دەدٸ ەرۇلان جاماۋباەۆ.
ونىڭ ايتۋىنشا, ادامدار كٶبٸنەسە جەرگٸلٸكتٸ سالىقتاردى تٶلەۋ, سالىق بەرەشەگٸنٸڭ سومالارى, ەسەپتٸلٸكتەردٸ تولتىرۋ جەنە تاعى باسقا مەسەلەلەر بويىنشا جٷگٸنەدٸ.
«ەنگٸزٸلگەن تسيفرلىق تەحنولوگييالارعا كەلەتٸن بولساق. 2019 جىلى بٸز استانا-1, ەلەكتروندىق شوت-فاكتۋرالار, تەۋەكەلدەردٸ باسقارۋ جٷيەسٸ اقپاراتتىق جٷيەلەرٸن ەنگٸزدٸك. بٷگٸنگٸ كٷنٸ سالىق دەكلاراتسييالارىنىڭ 99 جەنە كەدەندٸك دەكلاراتسييالاردىڭ 100 پايىزى قاشىقتان تاپسىرىلادى. «ەلەكتروندىق شوت-فاكتۋرالار» جٷيەسٸن ەنگٸزۋ كونتراگەنتتەر اراسىنداعى مەمٸلەلەردٸ ونلاين رەجيمدە قاداعالاۋعا مٷمكٸندٸك بەردٸ», - دەدٸ مينيستر.
